តើ​អ្នក​ដឹង​​​​ទេថានាយក​ប្រតិបត្តិ​​(CEO)ភាគ​ច្រើន​មាន​អ្វី​ដែល​ដូច​គ្នា? ពួក​គាត់​ភាគ​ច្រើន​​លេង​កីឡា។ បើ​យោង​តាម​ការ​សិក្សា​មួយ​ ដែល​ធ្វើ​ឡើង​ដោយ​ក្រុមហ៊ុន​Ernst & Young ​​របស់​អង់គ្លេស​ បាន​​រក​ឃើញ​ថា ​​៩០​ភាគរយ​នៃ​​នាយក​ប្រតិបត្តិ​ ( CEO) ​គឺ​ជា​មនុស្ស​ដែល​ចូលចិត្ត​លេង​កីឡា​។វា​មាន​ហេតុផល​ជា​ច្រើន​ដែល​ការ​លេង​កីឡា​នាំ​អ្នក​ទៅ​រក​ភាព​ជោគជ័យ​ក្នុង​ការងារ៖

១) ទំនាក់​ទំនង៖ ការ​លេង​កីឡា​​នាំ​​អ្នក​ជួប​មនុស្ស​ជា​ច្រើន​។ ឥឡូវ​នេះ​ អ្នក​មិន​ទាន់​ដឹង​ពី​សារៈសំខាន់​របស់​វា​នោះ​ទេ ប៉ុន្តែ​នៅ​ថ្ងៃ​ក្រោយ អ្នក​អាច​នឹង​ត្រូវ​ការ​ទំនាក់​ទំនង​ទៅ​ធ្វើ​អ្វី​មួយ។

២) អត្តចរិត៖ កីឡា​មិន​ត្រឹម​តែ​ជួយ​អ្នក​រឹង​មាំ​ផ្នែក​ស្មារតី​​នោះ​ទេ ថែម​ទាំង​ជួយ​អ្នក​ឲ្យ​មាន​សុខភាព​ល្អ​ថែម​ទៀត​ផង​។ លើស​ពី​នេះ​ទៅ​ទៀត អ្នក​មាន​ការ​តាំង​ចិត្ត​ខ្ពស់។

៣) កិត្តិយស៖ ការ​លេង​កីឡា​​ជួយ​អ្នក​ឲ្យ​មាន​ស្មារតី​ប្រកួតប្រជែង​និង​មាន​ភាព​ជា​អ្នក​ដឹក​នាំ ពី​ព្រោះ​ថា​​កីឡា​បង្រៀន​​អ្នក​ពី​ការងារ​ជា​ក្រុម​ ការ​តាំង​ចិត្ត​និង​មាន​ទំនួល​ខុស​ត្រូវ​ខ្ពស់​។

ប្រែ​សម្រួល៖ អុឹង មុយយូ ប្រភព៖ www.cnbc.com