ចំណុចពិសេស៤យ៉ាងនេះ ដែលអ្នកដឹកនាំពូកែមាន
អ្នកដឹកនាំល្អម្នាក់តែងតែជំរុញចិត្តអ្នកធ្វើអ្វីមួយឲ្យបានល្អ ហើយជឿជាក់ខ្លួនឯងថាអ្នកអាចធ្វើអ្វីគ្រប់យ៉ាងបាន ។ ហេតុនេះហើយ ក្នុងនាមជាអ្នកដឹកនាំ អ្នកត្រូវប្រាកដថា តើការដឹកនាំអ្នក អាចធ្វើឲ្យអ្នកដើរតាម អាចសម្រេចគោលដៅពួកគេបានដែរឬអត់? របៀបនៃការដឹកនាំទាំង៤នេះ គឺជាការដឹកនាំដ៏ជោគជ័យ ហើយអ្នកគួរតែយកតម្រាប់តាម៖
១) អ្នកដឹកនាំពូកែស្រមើស្រមៃ៖ សំដៅទៅអ្នកដឹកនាំដែលពូកែស្រមើស្រមៃពីក្រុមហ៊ុនទៅកាន់ថ្ងៃមុខ ហើយតែងតែចែករំលែកគំនិត និងទស្សនៈខ្លះៗ ដែលគេបានគិត ដល់អ្នកកូនក្រុមខ្លួន។ ការដឹកនាំបែបនេះអាចធ្វើឲ្យក្រុមអ្នក រួបរួមគ្នាបានល្អ ហើយម្នាក់ៗកាន់តែមានទំនុកចិត្តរៀងៗខ្លួន។
២) អ្នកដឹកនាំដែលសួរនាំច្រើន៖ អ្នកតែងតែចង់ដឹងពីគំនិតរបស់អ្នកដទៃ ដើម្បីចង់ដឹងថាត្រូវធ្វើយ៉ាងណាដើម្បីទទួលបានជោគជ័យ។ ការដឹកនាំបែបនេះ គឺបង្ហាញថាអ្នកបានផ្ដល់អំណាចនិងសិទ្ធិដល់មនុស្សគ្រប់គ្នាក្នុងការបញ្ចេញមតិ ។ ការដឹកនាំបែបនេះ អ្នកក៏ត្រូវប្រយ័ត្នដែរព្រោះថាអ្នកអាចសួរចំមនុស្សខុស ហើយទទួលបានយោបល់ខុសផងដែរ។
៣) ដឹកនាំពោរពេញដោយការស្រឡាញ់៖ ការដឹកនាំបែបនេះក៏ល្អម៉្យាងដែរ ព្រោះថា សមាជិកក្រុមនឹងមុនសូវមានសម្ពាធក្នុងការធ្វើការងារ។ តែភាគច្រើនការដឹកនាំបែបនេះគឺមិនសូវជាជោគជ័យខ្លាំងប៉ុន្មានទេ ដោយសាររតែគេឲ្យតម្លៃខ្លាំងចំពោះតែមិត្តភាពប៉ុណ្ណោះ ចំណែកឯការងារក្នុងការសម្រេចគោលដៅពួកគេមិនសូវយកជាធំប៉ុន្មានទេ។
៤) ដឹកនាំដូចជាគ្រូបង្វឹក៖ អ្នកមិនត្រឹមតែដឹងថាតើមានរឿងអ្វីកើតឡើងចំពោះកូនក្រុមអ្នកទេ អ្នកថែមទាំងព្យាយាមស្វែងរកវិធីគ្រប់បែបយ៉ាង ដុសខាត់ជំនាញ និងសមត្ថភាពពួកគេទៀត៕
ប្រែសម្រួល៖ ព្រំ សុវណ្ណកណ្ណិកា ប្រភព៖ lifehack
