កម្រងសម្ដីដកស្រង់ខ្លឹមៗចំនួន១០ឃ្លា អំពីមេរៀនជីវិត
ហិនរី ហ្វដ ដែលជាអ្នកបង្កើតក្រុមហ៊ុនហ្វដម៉ូទ័ររបស់អាមេរិក និងជាអ្នកជំនួញដ៏មានឥទ្ធិពលខ្លាំងមួយរូប បាននិយាយថា «គ្មានអ្វីមួយដែលពិបាកយ៉ាងក្រៃលែងនោះទេបើអ្នកបំបែកវាជាការងារតូចៗ។» បញ្ហាអ្វីក៏ដោយ មិនថាជាបញ្ហាជីវិត ការសិក្សា ការងារជាដើម នៅពេលយើងគ្រាន់តែក្រឡេកមើលវាខាងក្រៅភ្លាម យើងក៏ចាប់ផ្ដើមលាន់មាត់ឡើងថាវាពិបាកណាស់ ខ្ញុំមិនអាចធ្វើវាបានទេ។ ប៉ុន្តែនៅពេលអ្នកចាប់ផ្ដើមរៀនសូត្រពីវាពីចំណុចតូចៗបន្តិចម្ដងៗ នោះអ្នកនឹងរកឃើញថាវាមិនពិបាកដូចដែលអ្នកធ្លាប់គិតនោះទេ ហើយអ្នកថែមទាំងចាប់ផ្ដើមមានសង្ឃឹមថាខ្លួនឯងអាចធ្វើវាបានល្អទៀតផង។ ខាងក្រោមនេះគឺជាកម្រងសម្ដីដកស្រង់ចំនួន១០ឃ្លាអំពីមេរៀនជីវិត៖
១) «គ្មានអ្វីមួយដែលពិបាកយ៉ាងក្រៃលែងនោះទេបើអ្នកបំបែកវាជាការងារតូចៗ។» ហិនរី ហ្វដ
២) «អតិថិជនដែលមិនរីករាយបំផុតរបស់អ្នកគឺជាប្រភពដ៏ល្អបំផុតនៃការសិក្សារៀនសូត្ររបស់អ្នក។» ប៊ីល ហ្កេត
៣) «កន្លែងដែលល្អបំផុតសម្រាប់រកជំនួយបានគឺនៅចុងបំផុតនៃដៃរបស់អ្នក។» សុភាសិតស្វីស
៤) «កុំប្រៀបធៀបជីវិតរបស់អ្នកទៅនឹងអ្នកដទៃ អ្នកមិនដឹងអ្វីនោះឡើយថាតើដំណើរជីវិតរបស់ពួកគេយ៉ាងដូចម្ដេច។» Regina Brett
៥) «មិនថាស្ថានភាពល្អឬអាក្រក់ប៉ុណ្ណាក៏ដោយ អ្វីៗគង់តែផ្លាស់ប្ដូរនោះទេ។» Regina Brett
៦) «បើអ្នកមិនដឹងថាទៅទីណា ចូរងាកមើលក្រោយនូវទីកន្លែងដែលអ្នកបានមក។» សុភាសិតអារ៉ាប់
៧) «ជាមួយនឹងពាក្យ៣ម៉ាត់ខ្ញុំអាចសង្ខេបអំពីអ្វីគ្រប់យ៉ាងដែលខ្ញុំបានរៀនពីជីវិតគឺ វានៅតែបន្តទៅមុខរហូត។» Robert Frost
៨) «ការវិនិច្ឆ័យត្រឹមត្រូវកើតឡើងចេញមកពីបទពិសោធន៍ ឯបទពិសោធន៍កើតចេញមកពីការវិនិច្ឆ័យខុស។» Rita Mae Brown
៩) «មនុស្សដែលមានក្ដីសុខគឺជាមនុស្សដែលមិនរំពឹងទុកអ្វីទាំងអស់ ព្រោះគេនឹងមិនមានថ្ងៃខកចិត្តនោះឡើយ។» Alexander Pope
១០) «ចូរចងចាំថាការបរាជ័យគឺជាហេតុការណ៍ មិនមែនជាមនុស្សនោះឡើយ។» Zig Ziglar
ដោយ៖ ស្រីពៅ
