សម្ដីដកស្រង់ចំនួន១០ឃ្លា ដែលនិយាយអំពីការធ្វើជាខ្លួនឯង
អាញស្តាញ បាននិយាយថា «គ្រប់មនុស្សទាំងអស់សុទ្ធតែជាបញ្ញវន្ត ប៉ុន្តែបើអ្នកវាយតម្លៃត្រីដោយផ្អែកលើសមត្ថភាពរបស់វាក្នុងការឡើងដើមឈើ នោះវានឹងរស់នៅពេញមួយជីវិតរបស់វាដោយជឿថាវាគឺជាសត្វល្ងីល្ងើ។» មនុស្សគ្រប់ៗរូបគ្មាននរណាម្នាក់ល្អឥតខ្ចោះនោះទេ។ គំនិតដែលគិតថានៅលើលោកនេះមានអ្វីមួយដែលល្អឥតខ្ចោះគ្រាន់តែជាការបំភ័ន្តតែប៉ុណ្ណោះ។ អ្វីៗនៅលើលោកនេះសុទ្ធតែត្រូវការការលះបង់ដើម្បីទទួលបានវា។ បើអ្នកចង់បានអ្វីមួយ នោះអ្នកត្រូវលះបង់អ្វីមួយចោល។ នេះគឺជាតុល្យភាពរបស់ច្បាប់ធម្មជាតិ។ ឯមនុស្សម្នាក់ៗសុទ្ធតែមានចំណុចខ្សោយនិងចំណុចពិសេសរៀងៗខ្លួន។
ថ្ងៃនេះយើងបានដកស្រង់នូវសម្ដីដកស្រង់ចំនួន១០ឃ្លា ដែលនិយាយអំពីការធ្វើជាខ្លួនឯងនិងឲ្យតម្លៃទៅលើភាពខុសប្លែករបស់ខ្លួនឯង៖
១) «គ្រប់ក្មេងទាំងអស់សុទ្ធតែកើតមកជាបញ្ញវន្តប៉ុន្តែពួកគេត្រូវបានជាន់កម្ទេចដោយសង្គម។» Michio Kaku
២) «គ្រប់មនុស្សទាំងអស់សុទ្ធតែជាបញ្ញវន្ត ប៉ុន្តែបើអ្នកវាយតម្លៃត្រីដោយផ្អែកលើសមត្ថភាពរបស់វាក្នុងការឡើងដើមឈើ នោះវានឹងរស់នៅពេញមួយជីវិតរបស់វាដោយជឿថាវាគឺជាសត្វល្ងីល្ងើ។» អាល់ប៊ឺត អាញស្តាញ
៣) «ភាពមិនល្អឥតខ្ចោះគឺជាភាពស្រស់ស្អាត ភាពវិកលចរិតគឺជាប្រាជ្ញាឈ្លាសវៃ ហើយការដែលគួរឲ្យអស់សំណើចបំផុតប្រសើរជាងគួរឲ្យធុញទ្រាន់បំផុត។» Marilyn Monroe
៤) «អ្នកគឺជាអ្នក។ ឥឡូវនេះ តើវាមិនមែនជារឿងដែលគួរឲ្យរីករាយទេឬ ?» Dr. Seuss
៥) «មានពេលខ្លះភាពខុសប្លែកពីគេធ្វើឲ្យមានអារម្មណ៍ដូចជាភាពឯកោយ៉ាងខ្លាំង។ ប៉ុន្តែការស្មោះត្រង់ជាមួយវានិងស្មោះត្រង់នឹងស្តង់ដារបស់ខ្លួនឯង និងរបៀបរបស់ខ្លួនឯងក្នុងការធ្វើការជាមួយនឹងសិល្បៈរបស់ខ្ញុំនិងចម្រៀងរបស់ខ្ញុំ ពោលគឺអ្វីគ្រប់យ៉ាងដែលធ្វើឲ្យខ្ញុំខុសប្លែកពីគេ នៅចុងក្រោយគឺជាអ្វីដែលធ្វើឲ្យខ្ញុំរីករាយបំផុត។» Lindsey Stirling
៦) «ខ្ញុំមិនបណ្ដោយឲ្យនរណាម្នាក់ដើរលើចិត្តរបស់ខ្ញុំជាមួយនឹងជើងដ៏កខ្វក់របស់គេនោះឡើយ។» មហាត្មៈគន្ធី
៧) «ព្រះបានផ្ដល់ឲ្យអ្នកនូវមុខមួយ តែអ្នកបានបង្កើតឲ្យខ្លួនឯងនូវមុខមួយទៀត។» William Shakespeare
៨) «មនុស្សភាគច្រើនគឺជាមនុស្សដទៃ។ ការគិតរបស់ពួកគេគឺជាការគិតរបស់អ្នកដទៃ ជីវិតរបស់ពួកគេគឺជាការធ្វើត្រាប់តាមគេ ជំនក់ចិត្តរបស់ពួកគេគឺជាសម្ដីដកស្រង់។» Oscar Wilde
៩) «ខ្ញុំរកឃើញថារបៀបដ៏ល្អបំផុតក្នុងការស្រឡាញ់នរណាម្នាក់គឺជាការដែលមិនផ្លាស់ប្ដូរពួកគេ តែផ្ទុយទៅវិញព្យាយាមជួយគេឲ្យបើកកកាយនូវអ្វីដែលល្អបំផុតពីក្នុងខ្លួនពួកគេចេញមក។» Steve Maraboli
១០) «កាលពីខ្ញុំនៅក្មេង ម្ដាយរបស់ខ្ញុំនិយាយមកកាន់ខ្ញុំថា «បើឯងធ្វើជាទាហាន នោះឯងនឹងក្លាយជាឧត្ដមសេនីយ៍។ បើឯងធ្វើជាព្រះសង្ឃ នោះឯងនឹងក្លាយជាសង្ឃរាជវិហារកាតូលិក។» ផ្ទុយទៅវិញ ខ្ញុំបានធ្វើជាអ្នកគំនូរ និងបានក្លាយជាPicasso។» Picasso
ដោយ៖ ស្រីពៅ
