សុភាសិតចំនួន៨ឃ្លា ដែលបង្រៀនអ្នកឲ្យចេះឲ្យតម្លៃទៅលើអ្វីដែលខ្លួនមាននៅក្នុងជីវិត
មហាត្មៈគន្ធី បាននិយាយថា «នៅក្នុងជីវិតមានអ្វីដែលលើសនោះទេ គ្រាន់តែបង្កើនល្បឿន»។ ឯ Oscar Wilde ក៏បាននិយាយថា «រស់នៅគឺជារឿងមួយដ៏កម្របំផុតនៅក្នុងលោក ព្រោះមនុស្សភាគច្រើនគ្រាន់តែមានវត្តមានតែប៉ុណ្ណោះ។» មានមនុស្សជាច្រើនរវល់នឹងជីវិតរហូតដល់ថ្ងៃចុងក្រោយបំផុតរបស់ពួកគេ តែពួកគេមិនដែលសញ្ជឹងគិតទេថាខ្លឹមសារនៃជីវិតរបស់ពួកគេគឺជាអ្វី តើមានអ្វីទៅនៅក្នុងជីវិតដែលនៅហួសពីការរស់នៅប្រចាំថ្ងៃរបស់ពួកគេ បើបានចូលទៅជីវិតកាន់តែជ្រៅ តើពួកគេនឹងបានរកឃើញអ្វីខ្លះ? អត្ថបទថ្ងៃនេះបានប្រមូលមកនូវសម្ដីដកស្រង់បញ្ចូលគ្នាជាមួយសុភាសិតចំនួន៨ឃ្លា ដែលបង្រៀនអ្នកឲ្យចេះឲ្យតម្លៃទៅលើអ្វីដែលខ្លួនមាននៅក្នុងជីវិត៖
១) «នៅពេលជនម្នាក់មិនមានអ្វីដែលខ្លួនស្រឡាញ់ ជននោះត្រូវចេះស្រឡាញ់អ្វីដែលខ្លួនមាន។» សុភាសិតបារាំង
២) «សម្លឹងមើលទៅកាន់ពិភពលោកជាមួយនឹងកែវភ្នែករបស់ក្មេង។ ពិភពលោកស្រស់ស្អាតណាស់។» Kailash Satyarthi
៣) «ឲ្យតម្លៃមនុស្សដែលនៅក្នុងជីវិតអ្នក ព្រោះអ្នកមិនដឹងទេថាពេលណាពួកគេលែងនៅក្បែរអ្នកតទៅទៀតទេ។» ជនអនាមិក
៤) «កុំបណ្ដោយឲ្យអ្វីដែលអ្នកចង់បានភ្លេចអ្វីដែលអ្នកកំពុងមាន។» Sanchita Pandey
៥) «នៅក្នុងជីវិតមានអ្វីដែលលើសនោះទេ គ្រាន់តែបង្កើនល្បឿន»។ មហាត្មៈគន្ធី
៦) «បើយើងមិនមានរដូវធ្លាក់ព្រិល រដូវផ្ការីកនឹងមិនសូវគួរជាទីរីករាយនោះទេ។ បើមានពេលខ្លះយើងមិនបានភ្លក់រសជាតិនៃការលំបាក ភាពរុងរឿងនឹងមិនសូវទទួលការស្វាគមន៍នោះឡើយ។» Anne Bradstreet
៧) «ធ្វើឲ្យដូចជាកូនក្មេង អ្នកមិនចាំបាច់ត្រូវបោះបង់ភាពជាមនុស្សដឹងក្ដីរបស់អ្នកនោះឡើយ។ មនុស្សដែលពេញលេញអាចធ្វើជាកូនក្មេងនិងមនុស្សដឹងក្ដីក្នុងពេលតែមួយបាន។ ចាប់យកឡើងវិញនូវអារម្មណ៍នៃភាពសប្បាយរីករាយដ៏គួរឲ្យភ្ញាក់ផ្អើល ការឲ្យតម្លៃទៅលើអ្វីៗក្នុងខណៈពេលភ្លាមៗនោះ ភាពគ្មានកង្វល់ និងពោរពេញដោយភាពភ្ញាក់ផ្អើលនិងការងឿងឆ្ងល់ចំពោះចក្រវាលដ៏អស្ចារ្យមួយនេះ។» Wayne Dyer
៨) «រឿងរ៉ាវទាំងអស់តែងពិបាកមុនងាយស្រួល។» សុភាសិតចិន
ដោយ៖ ស្រីពៅ
