សម្ដី​ដកស្រង់​របស់អ្នកនិពន្ធ ​Anais Nin ​ចំនួន​៨​ឃ្លា ដែល​និយាយ​ស៊ីជម្រៅ​ពី​ជីវិត​



Anais Nin ជា​អ្នក​និពន្ធ​សញ្ជាតិ​គុយបា​កាត់​អាមេរិក​និង​បារាំង ដែល​បាន​រស់នៅ​អំឡុង​ឆ្នាំ​១៩០៣​ដល់​ឆ្នាំ​១៩៧៧។ គាត់​សរសេរ​រឿង​ខ្លីៗ និង​ច្រើន​ត្រូវ​បាន​គេ​ទទួលស្គាល់​តាមរយៈ​ស្នាដៃ​កំណត់ត្រា​ចេញផ្សាយ​ជាច្រើន​របស់​គាត់។ ខាងក្រោម​នេះ​គឺជា​សម្ដី​ដកស្រង់​របស់​លោកស្រី​ចំនួន​៨​ឃ្លា ដែល​និយាយ​ស៊ីជម្រៅ​ពី​ជីវិត៖

) «មនុស្ស​ដែល​បាន​រស់នៅ​ចូល​ទៅ​ដល់​ទី​ជម្រៅ មិន​ខ្លាច​សេចក្ដី​ស្លាប់​នោះ​ឡើយ។»

) «យើង​ស្រវឹង​ជាមួយ​នឹង​រូបភាព ពាក្យសម្ដី ឈុត​ឆាក និង​ភាព​ដែល​អាច​ទៅ​រួច។»

) «យើង​សរសេរ​ដើម្បី​ភ្លក់​រសជាតិ​ជីវិត​២ដង គឺ​ក្នុង​ខណៈ​ពេល​កំពុង​កើតឡើង និង​ក្នុង​ពេល​សញ្ជឹង​គិត​ឡើង​វិញ។»

) «តួនាទី​របស់​អ្នក​និពន្ធ​មិនមែន​សរសេរ​អ្វី​ដែល​យើង​ទាំងអស់​គ្នា​អាច​និយាយ​បាន​នោះ​ទេ តែ​អ្វី​ដែល​យើង​មិន​អាច​និយាយ​បាន។»

) «ជីវិត​អាច​ត្រូវ​បាន​យល់​ដោយ​មនុស្ស​ដែល​បាន​រងទុក្ខ បាត់បង់ អត់ធន់​នឹង​ការ​លំបាក និង​ដួល​ងើប​ពី​ជ័យជម្នះ​មួយ​ទៅ​កាន់​ជ័យជម្នះ​មួយ​ទៀត។»

) «វា​គ្មាន​នូវ​អត្ថន័យ​មួយ​ដែល​ជា​សកល​សម្រាប់​គ្រប់​គ្នា​នោះ​ទេ វា​មាន​តែ​អត្ថន័យ​ដែល​យើង​ម្នាក់ៗ​បាន​ផ្ដល់​ឲ្យ​ជីវិត​របស់​យើង អត្ថន័យ​រៀង​ៗ​ខ្លួន សាច់​រឿង​រៀងៗ​ខ្លួន ប្រៀប​ដូចជា​រឿង​និទាន​រៀងៗ​ខ្លួន ជា​សៀវភៅ​សម្រាប់​មនុស្ស​ម្នាក់ៗ។»

) «គំនិត​របស់​ខ្ញុំ​មិន​សូវ​ចេញ​មក​នៅ​ពេល​ខ្ញុំ​អង្គុយ​សរសេរ​នៅ​លើ​តុ​នោះ​ទេ តែ​នៅ​ពាក់​កណ្ដាល​នៃ​ការ​រស់នៅ។»

) «វា​មិនមែន​ជា​រឿង​ងាយស្រួល​ក្នុង​ការ​ស្វែងរក​សេចក្ដី​សុខ​ក្នុង​ខ្លួន​ឯង​នោះ​ទេ ហើយ​វា​ជា​រឿង​មិន​អាច​ទៅ​រួច​ក្នុង​ការ​ស្វែងរក​សេចក្ដី​សុខ​ពី​ទី​ណា​ផ្សេង​មក។»

ដោយ៖ ស្រីពៅ

X
5s