ថ្ងៃនេះ​យើង​បាន​ដកស្រង់​នូវ​ទស្សន​ចំនួន ​១០ ដែល​លើកឡើង​ពី​តម្លៃ​នៃ​ការ​ឆ្លងកាត់​បទពិសោធន៍​ជីវិត​ដោយ​ខ្លួនឯង​ផ្ទាល់៖

១) «ជីវិត​គឺជា​ដំណើរ​បន្តបន្ទាប់​គ្នា​នៃ​មេរៀន​ដែល​យើង​ត្រូវ​រស់នៅ​ដើម្បី​យល់​ពី​វា។» Ralph Waldo Emerson

២) «មាន​ពេល​ខ្លះ​វិធី​តែ​មួយ​គត់​ក្នុង​ការ​ស្វែងរក​ខ្លួនឯង​គឺជា​ការ​វង្វេង​ទាំងស្រុង។» Kellie Elmore

៣) «គ្រប់​ខណៈ​ទាំងអស់​សុទ្ធតែ​ជា​បទពិសោធន៍។» Jake Roberts

៤) «ប្រភព​តែ​មួយ​គត់​នៃ​ចំណេះដឹង​គឺជា​បទពិសោធន៍។» អាល់ប៊ឺត អាញស្តាញ

៥) «មនុស្ស​លូតលាស់​តាមរយៈ​បទពិសោធន៍​បើ​សិន​ជា​ពួកគេ​ប្រឈមមុខ​ជាមួយ​ជីវិត​ប្រកប​ដោយ​សេចក្ដី​ស្មោះត្រង់​និង​ក្លាហាន។ នេះ​ហើយ​គឺជា​របៀប​ដែល​អត្តចរិត​កសាង​ឡើង។» Eleanor Roosevelt

៦) «ពាក្យ​សម្ដី​ដែល​ត្រូវ​បាន​បោះពុម្ព​នៅ​ទីនេះ​គ្រាន់តែ​ជា​ទស្សន​ប៉ុណ្ណោះ។ អ្នក​ត្រូវតែ​ឆ្លងកាត់​បទពិសោធន៍​ដោយ​ខ្លួនឯង។» Saint Augustine

៧) «មាន​ការ​ពិត​ជាច្រើន​ដែល​អត្ថន័យ​ពេញលេញ​របស់​វា​មិន​អាច​ត្រូវ​បាន​យល់​បាន​រហូត​ទាល់តែ​បទពិសោធន៍​ផ្ទាល់ខ្លួន​បាន​នាំ​យក​វា​មក​ដល់​ផ្ទះ។» John Stuart Mill

៨) «បទពិសោធន៍​គឺជា​សាលា​ដ៏​ល្អ ប៉ុន្តែ​ថ្លៃ​ចំណាយ​របស់​វា​គឺ​ខ្ពស់​ណាស់។» Heinrich Heine

៩) «មនុស្ស​មិន​បាន​រៀន​សូត្រ​អ្វី​ពី​ការ​ត្រូវ​បាន​គេ​ប្រាប់​នោះ​ទេ ពួកគេ​ត្រូវ​ស្វែងរក​ដោយ​ខ្លួនឯង។» Paulo Coelho

១០) «ចូរ​មាន​សេចក្ដី​អត់ធ្មត់​ចំពោះ​អ្វី​ដែល​មិន​ទាន់​ត្រូវ​បាន​ជ្រះ​ស្រឡះ​នៅ​ក្នុង​បេះដូង​របស់​អ្នក។ ព្យាយាម​ស្រឡាញ់​សំណួរ​ទាំងនោះ ប្រៀប​ដូចជា​បន្ទប់​ដែល​ត្រូវ​បាន​ចាក់សោ និង​សៀវភៅ​ដែល​ត្រូវ​បាន​សរសេរ​នៅ​ក្នុង​ភាសា​បរទេស។ មិន​ចាំបាច់​ស្វែងរក​ចម្លើយ​ក្នុង​ពេល​ឥឡូវ​នេះ​ទេ។ ពួក​វា​មិន​ទាន់​អាច​ផ្ដល់ឲ្យ​អ្នក​បាន​ក៏​ដោយសារតែ​អ្នក​មិន​ទាន់​បាន​រស់នៅ​ពួក​វា។ វា​គឺជា​សំណួរ​នៃ​ការ​ទទួលយក​គ្រប់​បទពិសោធន៍​ទាំងអស់។ ក្នុង​ខណៈ​នេះ​អ្នក​ត្រូវ​រស់នៅ​សំណួរ​ទាំងនោះ។ ប្រហែល​ជា​បន្តិច​ម្ដងៗ ដោយ​មិន​ដឹង​ខ្លួន អ្នក​នឹង​រក​ឃើញ​ថា​ខ្លួនឯង​កំពុងតែ​ទទួលយក​បទពិសោធន៍​នៃ​ចម្លើយ​នៅ​ក្នុង​ថ្ងៃ​ណាមួយ។» Rainer Maria Rilke

ដោយ៖ ស្រីពៅ