សម្ដីចំនួន ៩ឃ្លា ពីទស្សនវិទូអាមេរិកលោក Henry David Thoreau
ថ្ងៃនេះយើងបានចងក្រងនូវសម្ដីរបស់លោក Henry David Thoreau ដែលជាអ្នកនិពន្ធ កវីកំណាព្យ និងទស្សនវិទូមួយរូបរបស់អាមេរិកចំនួន ៩ឃ្លា ដូចខាងក្រោមនេះ៖
១) «ជីវិតរបស់យើងខ្ជះខ្ជាយពេលវេលាទៅលើព័ត៌មានលម្អិតច្រើនពេក ដូចនេះចូរមានភាពសាមញ្ញ។»
២) «រដ្ឋាភិបាលមួយនោះល្អបំផុត បើសិនមានការគ្រប់គ្រងតិចបំផុត។»
៣) «អ្វីដែលនៅខាងមុខយើង និងអ្វីដែលនៅខាងក្រោយយើងគ្រាន់តែជារឿងតូចតាចបើធៀបទៅនឹងអ្វីដែលស្ថិតនៅខាងក្នុងយើង។»
៤) «បើយើងស្ងប់ស្ងាត់និងបានត្រៀមខ្លួនរួចរាល់ នោះយើងនឹងស្វែងរកនូវសំណងនូវរាល់ការខកចិត្តទាំងឡាយ។»
៥) «មិនចាំបាច់មានសីលធម៌ខ្លាំងពេកនោះទេ ពុំនោះទេអ្នកអាចនឹងបោកប្រាស់ខ្លួនឯងបាន។ ចូរដាក់គោលដៅឲ្យខ្ពស់ជាងសីលធម៌។ កុំគ្រាន់តែធ្វើជាមនុស្សល្អ តែត្រូវល្អដើម្បីអ្វីមួយផងដែរ។»
៦) «សត្វចាបពណ៌ខៀវស្ពាយលំហអាកាសនៅលើខ្នងរបស់វា។»
៧) «រហូតទាល់តែវង្វេង ទើបយើងបានចាប់ផ្ដើមយល់ពីខ្លួនឯង។»
៨) «មនុស្សបានក្លាយជាឧបករណ៍នៃឧបករណ៍គំនិតរបស់ពួកគេ។»
៩) «រហូតទាល់តែយើងបានបំភ្លេចចោលអស់នូវការសិក្សារៀនសូត្ររបស់យើង ទើបយើងចាប់ផ្ដើមយល់ដឹង។»
ដោយ៖ ស្រីពៅ
