សម្ដី​​ដកស្រង់​ចំនួន​ ៨​ឃ្លា ដែល​បង្រៀន​អ្នក​ឲ្យ​ចេះ​រស់នៅ​និង​ឲ្យ​តម្លៃ​ទៅលើ​បច្ចុប្បន្នកាល​



Pablo Picasso វិចិត្រករ​ជនជាតិ​អេស្ប៉ាញ​ដ៏​ល្បីល្បាញ​មួយ​រូប​បាន​និយាយ​ថា «វា​ត្រូវការ​ពេល​យូរ​ដើម្បី​ក្លាយ​ជា​ក្មេង​វ័យ។» មនុស្ស​យើង​ភាគច្រើន​មិន​បាន​ដឹង​ទេ​ថា​របស់​ដែល​មាន​តម្លៃ​បំផុត​មួយ​ដែល​មិន​អាច​យក​អ្វី​មក​ដោះដូរ​បាន ហើយ​ដែល​យើង​ម្នាក់ៗ​សុទ្ធតែ​ត្រូវ​បាន​ប្រទាន​ឲ្យ​មក​តាំង​តែ​ពី​ចាប់​កំណើត​មក​ម្ល៉េះ នោះ​គឺជា​ភាព​មិន​ដឹង​អី​របស់​យើង ឬ​ភាព​បរិសុទ្ធ​របស់​យើង។ ក្មេងៗ​នៅ​ពេល​ដែល​មាន​អ្វីមួយ​ធ្វើឲ្យ​សើច នោះ​វា​នឹង​សើច។ បើ​មាន​អ្វីមួយ​ដែល​ធ្វើឲ្យ​យំ នោះ​វា​នឹង​យំ។ ប៉ុន្តែ​វា​មិន​ដែល​ចងចាំ​ទុក​រឿងរ៉ាវ​ទាំងឡាយ​ដែល​បាន​កើតឡើង​ចំពោះ​វា​កត់ទុក​នៅ​ក្នុង​ចិត្ត​របស់​វា​នោះ​ឡើយ ព្រោះ​ពួក​វា​រស់នៅ​ក្នុង​បច្ចុប្បន្នកាល។

ចិត្ត​របស់​វា​ស្រាល​និង​បរិសុទ្ធ។ ប៉ុន្តែ​ទោះជាយ៉ាងណា នរណា​ម្នាក់​ក៏​ត្រូវ​បាត់បង់​ភាព​បរិសុទ្ធ​មិន​ដឹង​អី​នេះ​ដែរ ព្រោះ​ជីវិត​គឺជា​កន្លែង​សម្រាប់​រៀន​សូត្រ។ រៀន​សូត្រ​ពី​ជីវិត​រហូត​ទាល់តែ​អាច​មើល​ឃើញ​ធ្លុះ​ពី​ការ​ពិត​នៃ​ជីវិត​នេះ ងាក​ត្រឡប់​ទៅ​មើល​ឃើញ​ពី​តម្លៃ​នៃ​រតនសម្បត្តិ​ដែល​ខ្លួនឯង​មាន​ចាប់​តាំង​ពី​ចាប់​កំណើត​មក បន្ទាប់​មក​បណ្ដុះបណ្ដាល​ចិត្ត​ខ្លួនឯង​ទើប​ពួកគេ​អាច​ត្រឡប់​ទៅ​រក​ធម្មជាតិ​របស់​ខ្លួនឯង​វិញ​បាន។ ទម្រាំ​តែ​ត្រឡប់​មក​វិញ ប្រាកដ​ណាស់​ថា​វា​ពិត​ជា​ចំណាយ​ពេលវេលា​យូរ​ណាស់​នៅ​ក្នុង​ជីវិត​នេះ ឬ​សូម្បីតែ​អាច​ចំណាយ​ពេល​ជីវិត​ក្រោយៗ​ទៀត​ផង។

ខាងក្រោម​នេះ​គឺជា​​សម្ដី​​ដកស្រង់​ចំនួន​៨​ឃ្លា ដែល​បង្រៀន​អ្នក​ឲ្យ​ចេះ​រស់នៅ​និង​ឲ្យ​តម្លៃ​ទៅលើ​បច្ចុប្បន្នកាល:


) «មាន​ពេល​ខ្លះ​យើង​ភ្លេច​ឲ្យ​តម្លៃ​ទៅលើ​របស់​តូចតាច​ដែល​បាន​ផ្ដល់​កម្លាំង​ចិត្ត​ដល់​យើង​ជាង​របស់​ធំដុំ។ យើង​គួរតែ​រៀន​សូត្រ​​ប្រចាំ​ថ្ងៃ​ជាជាង​រៀបចំ​ផែនការ​សម្រាប់​អនាគត​ដ៏​ឆ្កួត​ឡប់។» Vikram Roy

) «វា​ត្រូវការ​ពេល​យូរ​ដើម្បី​ក្លាយ​ជា​ក្មេង​វ័យ។» Pablo Picasso

) «ហេតុផល​នេះ​ហើយ​ដែល​មនុស្ស​ដែល​មិន​មាន​សមត្ថភាព​អាច​នៅ​ទីនេះ​នៅ​ក្នុង​បច្ចុប្បន្នកាល​បាន ពួកគេ​មិន​បាន​រស់នៅ​ជីវិត​របស់​ពួកគេ​នោះ​ទេ ពួកគេ​រស់នៅ​ប្រៀប​បាន​ទៅ​នឹង​មនុស្ស​ស្លាប់​ដូច្នោះ។» Thich Nhat Hanh

) «មនុស្ស​យើង​តិចតួច​ណាស់​ដែល​បាន​រស់នៅ​ក្នុង​បច្ចុប្បន្នកាល។ ពួក​យើង​ជា​និរន្ត​តែងតែ​ស្រមៃ​នូវ​អ្វី​ដែល​នឹង​មក​ដល់​ឬ​ចងចាំ​នូវ​អ្វី​ដែល​បាន​កន្លង​ហួស​ទៅ​ហើយ។» Louis L'Amour

) «រស់នៅ​ក្នុង​ពេល​បច្ចុប្បន្ន​មានន័យ​ថា​ជា​ការ​ប្រលែង​ចោល​អតីតកាល​និង​មិន​ទន្ទឹង​រង់ចាំ​អនាគត។ វា​មានន័យ​ថា​រស់នៅ​ជីវិត​របស់​អ្នក​ប្រកប​ដោយ​ការ​មាន​សតិ​ដឹង មាន​សតិ​ដឹង​ថា​គ្រប់​ខណៈ​ពេល​ទាំងអស់​ដង្ហើម​របស់​អ្នក​គឺជា​អំណោយ។» Oprah Winfrey

) «ដើម្បី​ឲ្យ​ពន្លឺ​បញ្ចេញ​យ៉ាង​ចែងចាំង ភាព​ងងឹត​ត្រូវ​តែ​មាន​វត្តមាន។» Francis Bacon

) «មាន​ពេល​ខ្លះ​អ្នក​មិន​ដឹង​ពី​តម្លៃ​នៃ​មួយ​ខណៈ​ពេល​រហូត​ទាល់តែ​វា​បាន​ក្លាយ​ជា​ការ​ចងចាំ។» Dr. Suess

) «ជីវិត​របស់​អ្នក​គឺជា​គ្រូបង្រៀន​បាន​ចាប់ផ្ដើម​នៅ​ថ្ងៃ​ដែល​អ្នក​បាន​ដឹង​ថា​អ្នក​តែងតែ​ជា​សិស្ស។» Robert John Meechan

ដោយ៖ ស្រីពៅ

X
5s