សុភាសិតចម្រុះជាតិសាសន៍ទាំង ១២ឃ្លា ដែលអាចមានប្រយោជន៍នៅក្នុងជីវិតអ្នក
ខាងក្រោមនេះគឺជាសុភាសិតចម្រុះជាតិសាសន៍ចំនួន ១២ឃ្លា ដែលអាចនឹងក្លាយជាពាក្យអប់រំដ៏មានប្រយោជន៍នៅថ្ងៃណាមួយក្នុងជីវិតអ្នក៖
- «ឆ្មានឹងធ្ងន់បើវាត្រូវបានបីជាប់រហូត។» សុភាសិតអៀរឡង់
- «អាក្រក់និងល្អវេញត្របាញ់ជាប់គ្នាប្រៀបដូចនឹងខ្សែពួរ។» សុភាសិតជប៉ុន
- «ឲ្យដំបូន្មានហើយផ្ដល់ប្រឹក្សាដល់គាត់។ បើគាត់មិនស្ដាប់ ចូរបណ្ដោយឲ្យការលំបាកបង្រៀនគាត់ចុះ។» សុភាសិតអេត្យូពី
- «ឡើងកាន់តែខ្ពស់ ចុះកាន់តែទាប។» សុភាសិតបារាំង
- «អ្នកក្រមានបញ្ហារបស់ពួកគេ ឯអ្នកមានក៏មានបញ្ហារបស់ពួកគេដែរ។» សុភាសិតម៉ាល់តា
- «គ្រប់ចម្លើយទាំងអស់អាចនាំទៅរកសំណួរថ្មីមួយទៀត។» សុភាសិតជ្វីស
- «អំពើសប្បុរសបិទបាំងអំពើបាបច្រើន។» សុភាសិតជ្វីស
- «ការសម្ងាត់ប្រៀបបានទៅនឹងកូនព្រាប នៅពេលវាចាកចេញពីដៃរបស់ខ្ញុំ វានឹងមានស្លាបហោះហើរ។» សុភាសិតអារ៉ាប៊ីសាអ៊ូឌីត
- «ធ្វើជាឆ្កែដែលមានសេរីភាពប្រសើរជាងតោដែលត្រូវបានគេដាក់ទ្រុង។» សុភាសិតអារ៉ាប៊ីសាអ៊ូឌីត
- «សត្វឥន្ទ្រីយ៍ដែលមានបញ្ញាលាក់ក្រញាំរបស់វា។» សុភាសិតជប៉ុន
- «ក្បាលដែលត្រជាក់និងម្រាមជើងដែលកក់ក្ដៅគឺជាមូលហេតុនៃជីវិតយូរអង្វែង។» សុភាសិតជប៉ុន
- «សត្វល្អិតដែលរស់នៅក្នុងរដូវក្ដៅមិនដឹងពីទឹកកកនោះឡើយ។» សុភាសិតជប៉ុន
ដោយ៖ ស្រីពៅ
