ទស្សនដ៏មានតម្លៃ ៨ឃ្លា ពីអ្នកវិទ្យាសាស្ត្រនិងបុគ្គលដែលមានទស្សនអប់រំល្អៗដទៃទៀត
ខាងក្រោមនេះគឺជាទស្សនដ៏មានតម្លៃចំនួន ៨ឃ្លា ដែលត្រូវបានដកស្រង់ពីអ្នកវិទ្យាសាស្ត្រនិងបុគ្គលដែលមានទស្សនអប់រំល្អៗដទៃទៀត៖
១) «ការរំពឹងទុករបស់អ្នកធ្វើឲ្យអ្នកឈឺចាប់ មិនមែនជាពិភពលោកដែលអ្នករស់នៅនោះឡើយ។ អ្វីដែលកើតឡើងនៅក្នុងពិភពលោកគឺជាការពិត។ អ្វីដែលអ្នកគិតថាគួរតែកើតឡើងគឺជារឿងមិនពិត។ ដូច្នេះហើយមនុស្សគឺត្រូវបានធ្វើឲ្យឈឺចាប់ដោយសារការរំពឹងទុករបស់ពួកគេ។ អ្នកមិនមែនត្រូវបានធ្វើឲ្យខកចិត្តដោយសារពិភពលោកនេះទេ អ្នកត្រូវបានធ្វើឲ្យខកចិត្តដោយសារចំណាំងផ្លាតរបស់អ្នក។» Jacque Fresco
២) «ការត្រាស់ដឹងគឺជាការទទួលយកការទទួលខុសត្រូវទាំងស្រុងទៅលើជីវិតរបស់ខ្លួនឯង។» William Blake
៣) «បើទ្វារនៃការយល់ឃើញត្រូវបានលាងសម្អាត គ្រប់យ៉ាងនឹងស្ដែងពីមុខមនុស្សទៅតាមសភាពពិតរបស់វា ដែលឥតមានដែនកំណត់នោះឡើយ។» William Blake
៤) «អ្នកនឹងដឹងថាអ្នកបានផ្លាស់ប្ដូរនៅពេលដែលអ្វីមួយដែលធ្លាប់តែធ្វើឲ្យអ្នកខឹង ឥឡូវនេះបែរជាធ្វើឲ្យអ្នកសើចវិញ។» Tony Gaskins
៥) «កម្លាំងដ៏ធំមហិមាចំនួន៣ដែលគ្រប់គ្រងពិភពលោកមានដូចជា ភាពល្ងង់ខ្លៅ ភាពភ័យខ្លាច និងភាពលោភលន់។» អាល់ប៊ឺត អាញស្តាញ
៦) «បទពិសោធន៍គឺជាចំណេះដឹង។ ក្រៅពីនេះគ្រាន់តែជាព័ត៌មានប៉ុណ្ណោះ។» អាល់ប៊ឺត អាញស្តាញ
៧) «ខ្ញុំធ្លាប់គិតថា បើខ្ញុំអាចសួរសំណួរព្រះបានមួយសំណួរ ខ្ញុំនឹងសួរថាតើចក្រវាលនេះចាប់ផ្ដើមឡើងយ៉ាងដូចម្ដេច ពីព្រោះថាបើកាលណាខ្ញុំដឹងពីវា នោះអ្វីសេសសល់គ្រាន់តែជាសមីការប៉ុណ្ណោះ។ ប៉ុន្តែនៅពេលវ័យរបស់ខ្ញុំកាន់តែចាស់ឡើង ខ្ញុំមិនសូវផ្ដល់ភាពសំខាន់ទៅលើថាតើចក្រវាលនេះចាប់ផ្ដើមឡើងដោយរបៀបណាទៀតហើយ។ ផ្ទុយទៅវិញ ខ្ញុំចង់ដឹងថាតើហេតុអ្វីបានជាគាត់ចាប់ផ្ដើមចក្រវាលនេះឡើងមក។ ពីព្រោះថាបើកាលណាខ្ញុំដឹងពីចម្លើយនោះ នោះខ្ញុំនឹងដឹងពីគោលបំណងនៃជីវិតរបស់ខ្ញុំហើយ។» អាល់ប៊ឺត អាញស្តាញ
៨) «វិទ្យាសាស្ត្រមិនអាចដោះស្រាយពីអាថ៌កំបាំងកំពូលបំផុតនៃធម្មជាតិ។ ហើយវាក៏ដោយសារតែនៅក្នុងការវិភាគចុងក្រោយ ពួកយើងផ្ទាល់គឺជាចំណែកមួយនៃអាថ៌កំបាំងដែលពួកយើងព្យាយាមដោះស្រាយ។» Max Planck
ដោយ៖ ស្រីពៅ
