គតិចំនួន ១០ឃ្លា ដែលអាចជួយឲ្យអ្នកមើលឃើញការពិតអំពីជីវិតកាន់តែច្បាស់លាស់ជាងមុន
ខាងក្រោមនេះគឺជាគតិដែលបានដកស្រង់ចំនួន ១០ឃ្លា ដែលអាចជួយឲ្យអ្នកមើលឃើញការពិតអំពីជីវិតកាន់តែច្បាស់លាស់ជាងមុន៖
- «តើអ្នកអាចជួយខ្លួនអ្នកបានយ៉ាងដូចម្ដេចនៅពេលអ្នកធ្វើឲ្យបញ្ហាកាន់តែធ្ងន់ដោយរអ៊ូរទាំពីពួកវា?» Seneca
- «ពេលខ្លះពេលវេលាអាចដោះស្រាយអ្វីគ្រប់យ៉ាង ខណៈពេលដែលហេតុផលគ្មានប្រសិទ្ធភាព។» Seneca
- «មិនត្រូវពឹងផ្អែកទៅលើរដ្ឋាភិបាលឬស្ថាប័នដើម្បីដោះស្រាយបញ្ហាចម្បងៗនោះឡើយ។ រាល់ការផ្លាស់ប្ដូរក្នុងសង្គមសុទ្ធតែកើតចេញពីចំណង់ដ៏ខ្លាំងក្លារបស់បុគ្គលប៉ុណ្ណោះ។» Margaret Mead
- «ទស្សនដែលយល់ឃើញថាយើងគឺជាផលិតផលនៃមជ្ឈដ្ឋានជុំវិញខ្លួនរបស់យើងគឺជាបាបកម្មដ៏ធំបំផុតរបស់យើង។ ពួកយើងគឺជាផលិតផលនៃការសម្រេចចិត្តរបស់យើង។» Margaret Mead
- «ចំណេះដឹងអាចប្រាស្រ័យទាក់ទងគ្នាបាន តែមិនមែនបញ្ញានោះឡើយ។ បុគ្គលម្នាក់អាចរកឃើញវា រស់នៅវា ត្រូវបានធ្វើឲ្យរឹងមាំដោយសារវា រុករកស្រាវជ្រាវតាមរយៈវា ប៉ុន្តែបុគ្គលម្នាក់មិនអាចប្រាស្រ័យទាក់ទងឬបង្រៀនវាបានឡើយ។» Hermann Hesse
- «ខ្ញុំកន្លងមកតែងតែជឿជាក់ ហើយពេលនេះក៏នៅតែជឿជាក់ថាមិនថាសំណាងល្អឬអាក្រក់ក៏ដោយដែលបានរត់មករកយើង យើងតែងតែអាចផ្ដល់អត្ថន័យខ្លឹមសារដល់វានិងបម្លែងវាទៅជាអ្វីមួយដែលមានតម្លៃបាន។» Hermann Hesse
- «មនុស្សមួយចំនួនគិតថាការអោបក្រសោបឲ្យជាប់នឹងធ្វើឲ្យពួកគេខ្លាំងក្លា ប៉ុន្តែមានពេលខ្លះវាគឺជាការប្រលែងចោលទៅវិញទេ។» Hermann Hesse
- «ភាពសាមញ្ញ សេចក្ដីអត់ធ្មត់ និងសេចក្ដីមេត្តា។ ទាំង៣នេះគឺជារតនសម្បត្តិដ៏អស្ចារ្យបំផុតរបស់អ្នក។ សាមញ្ញនៅក្នុងទង្វើនិងការគិត អ្នកនឹងវិលត្រឡប់ទៅកាន់ដើមកំណើតនៃអត្ថិភាពរបស់អ្នកវិញ។ មានសេចក្ដីអត់ធ្មត់ជាមួយទាំងមិត្តនិងសត្រូវ អ្នកនឹងអាចសម្របជាមួយអ្វីៗទៅតាមសភាពពិតរបស់វា។ មានសេចក្ដីមេត្តាជាមួយខ្លួនឯង អ្នកនឹងអាចចុះសម្រុងជាមួយសភាវៈទាំងអស់នៅក្នុងលោកនេះបាន។» ឡៅជឺ
- «បើអ្នកចង់យល់ពីដែនកំណត់នៃអ្វីៗ ចូរមានការប៉ងប្រាថ្នាទៅលើវា។» ឡៅជឺ
- «ជោគជ័យមានគ្រោះថ្នាក់ដូចទៅនឹងការបរាជ័យ។ ក្ដីសង្ឃឹមមានប្រហោងទទេដូចទៅនឹងភាពភ័យខ្លាចដែរ។» ឡៅជឺ
ដោយ៖ ស្រីពៅ
