ថ្ងៃនេះ​យើង​បាន​ដកស្រង់​នូវ​ទស្សន​ជីវិត​ចំនួន​ ៩​ឃ្លា ដែល​និយាយ​អំពី​ការ​ជាប់ជំពាក់​របស់​យើង​ដែល​ជា​ដើម​ហេតុ​នាំ​ទៅ​រក​សេចក្ដី​ទុក្ខ​របស់​ខ្លួនឯង:

១) «ជាមួយ​នឹង​ការ​ជាប់ជំពាក់ គ្រប់យ៉ាង​ដែល​ហាក់​ដូចជា​មាន​អត្ថិភាព​គឺ​គ្រាន់តែ​ជា​ខ្ញុំ​និង​កម្មវត្ថុ​ដែល​ខ្ញុំ​ប៉ង​ប្រាថ្នា​ប៉ុណ្ណោះ។» Sharon Salzberg

២) «ការ​ជាប់​ជំពាក់​គឺជា​រោងចក្រ​ផលិត​ការ​បោក​បំភ័ន្ត ហើយ​នរណា​ដែល​ចង់​បាន​ការ​ពិត​ត្រូវតែ​ដក​ខ្លួន​ចេញ​ពី​ការ​ជាប់​ជំពាក់។» Simone Weil

៣) «ការ​ជាប់ជំពាក់​គឺជា​ឫសគល់​នៃ​សេចក្ដី​ទុក្ខ។» ព្រះសម្មាសម្ពុទ្ធ

៤) «អ្នក​បាត់បង់​តែ​អ្វី​ដែល​អ្នក​ជាប់ជំពាក់​ប៉ុណ្ណោះ។» ព្រះសម្មាសម្ពុទ្ធ

៥) «ការ​ជាប់ជំពាក់​ដាក់​កម្រិត​ទៅលើ​ការ​មើល​ឃើញ​របស់​យើង ដូច្នេះ​យើង​មិន​អាច​មើល​ឃើញ​អ្វីៗ​ចេញ​ពី​ទស្សន​ទូលំទូលាយ​ជាង​មុន​បាន​ឡើយ។» សម្ដេច​សង្ឃ​ដាឡៃ ឡាម៉ា

៦) «ប្រលែង​ចោល​ការ​ជាប់ជំពាក់​របស់​អ្នក​ក្នុង​ការ​ចង់​បាន​ត្រូវ ហើយ​ភ្លាម​នោះ​ចិត្ត​របស់​អ្នក​នឹង​បើក​ទូលាយ​ជាង​មុន។» Ralph Marston

៧) «កុំ​រំពឹង​ទៅលើ​នរណា​ម្នាក់​នៅ​ក្នុង​លោក​នេះ​ឲ្យ​សោះ ព្រោះ​សូម្បីតែ​ស្រមោល​របស់​អ្នក​ក៏​ចាកចេញ​ពី​អ្នក​នៅ​ពេល​អ្នក​ស្ថិត​នៅ​ក្នុង​ភាព​ងងឹត​ដែរ។» Tamiyyah

៨) «ការ​ជាប់ជំពាក់​ដ៏​ជ្រៅ​បំផុត​គឺ​ជាមួយ​នឹង​របៀប​នៃ​ការ​គិត​និង​អារម្មណ៍​របស់​អ្នក។ នោះ​គឺជា​កន្លែង​ដែល​អន្ទាក់​ស្ថិត​នៅ។» Sadhguru

៩) «ទទួលយក​ដោយ​មិន​មាន​អំនួត ប្រលែង​ចោល​ដោយ​មិន​មាន​ការ​ជាប់ជំពាក់។» Marcus Aurelius

ដោយ៖ ស្រីពៅ

អត្ថបទទាក់ទង៖ ទស្សន​ចំនួន​១០​ឃ្លា​របស់​ជ័ងជឺ ដែល​អ្នក​គួរ​អាន​និង​យក​ទៅ​គិត​ឲ្យ​បាន​ហ្មត់ចត់