គតិបណ្ឌិត ៩ឃ្លា ពី Sadhguru គ្រូបង្រៀនចិត្តវិញ្ញាណដែលប្រកបដោយបញ្ញាញាណមួយរូបរបស់ឥណ្ឌា
ថ្ងៃនេះយើងបានចងក្រងនូវគតិបណ្ឌិតចំនួន ៩ឃ្លា ពី Jaggi Vasudev ឬ Sadhguru ជាគ្រូបង្រៀនចិត្តវិញ្ញាណដែលប្រកបដោយបញ្ញាញាណមួយរូបរបស់ឥណ្ឌា៖
- «បើអ្នកលេងសើចបន្តិចជាមួយជីវិត គ្រប់ខណៈពេលនោះនឹងក្លាយជាការអបអរសាទរ។»
- «បើអ្នកបែរចូលក្នុង អ្នកនឹងស្វែងរកឃើញលំហដែលមានដំណោះស្រាយសម្រាប់រាល់អ្វីៗទាំងអស់។»
- «មនុស្សរងទុក្ខជាមួយនឹងការចងចាំនិងការស្រមើស្រមៃរបស់ពួកគេ ដែលមានន័យថាពួកគេរងទុក្ខនូវអ្វីដែលមិនមានអត្ថិភាព។»
- «មានការរំពឹងទុកទៅលើអ្នកដទៃមានន័យថាអ្នកព្យាយាមជួសជុលជីវិតរបស់ពួកគេ។ ចូរកុំធ្វើបែបនេះ។ ចូរជួសជុលជីវិតរបស់ខ្លួនឯង នេះហើយគឺជាសេរីភាព។»
- «ចិត្តគឺជាឧបករណ៍ដ៏មានអានុភាពមួយ។ រាល់ការគិតទាំងអស់ រាល់អារម្មណ៍ទាំងអស់ដែលអ្នកបានបង្កើត បានផ្លាស់ប្ដូរប្រតិកម្មគីមីនៃរាងកាយរបស់អ្នក។»
- «សេចក្ដីសុខចាប់ផ្ដើមជាមួយអ្នក។ មិនមែនជាមួយទំនាក់ទំនងរបស់អ្នក មិនមែនជាមួយការងាររបស់អ្នក មិនមែនជាមួយលុយរបស់អ្នក ប៉ុន្តែគឺជាមួយអ្នក។»
- «ភាពភ័យខ្លាចគ្រាន់តែជាការដែលអ្នកមិនរស់នៅជាមួយជីវិតប៉ុណ្ណោះ គឺអ្នករស់នៅក្នុងការគិតរបស់អ្នក។»
- «នៅពេលដែលការឈឺចាប់ ទុក្ខសោក ឬកំហឹងកើតឡើង វាគឺជាពេលដែលអ្នកត្រូវសម្លឹងមើលខាងក្នុងខ្លួនឯង មិនមែនជុំវិញខ្លួនឯងឡើយ។»
- «គ្រប់យ៉ាងដែលបានកើតឡើងលើអ្នក អ្នកទទួលបទពិសោធន៍នៅខាងក្នុងខ្លួនឯងផ្ទាល់តែម្ដង។ ពន្លឺនិងងងឹត ការឈឺចាប់និងភាពរីករាយ រងទុក្ខនិងមានក្ដីសុខ រាល់ទាំងអស់នេះសុទ្ធតែកើតឡើងនៅខាងក្នុងអ្នក។ បើនរណាម្នាក់ប៉ះដៃរបស់អ្នកឥឡូវនេះ អ្នកប្រហែលជាគិតថាអ្នកកំពុងតែទទួលបទពិសោធន៍នៃដៃរបស់ពួកគេ ប៉ុន្តែការពិតគឺអ្នកគ្រាន់តែទទួលបទពិសោធន៍នៃវេទនារម្មណ៍នៅក្នុងដៃរបស់អ្នកប៉ុណ្ណោះ។ បទពិសោធន៍ទាំងមូលត្រូវបានផ្ទុកនៅខាងក្នុង។ រាល់បទពិសោធន៍របស់មនុស្សទាំងអស់គឺ១០០%ត្រូវបានបង្កើតដោយខ្លួនឯង»៕
អត្ថបទទាក់ទង៖ សម្ដីដកស្រង់ចំនួន១០ឃ្លាពី Sadhguru បុគ្គលដែលប្រកបដោយគតិបណ្ឌិតមួយរូប
ដោយ៖ ស្រីពៅ
