គតិបណ្ឌិតទាំង ១០ឃ្លា ដែលអាចឲ្យអ្នកស្វែងរកឃើញចម្លើយដែលអ្នកតែងសួររករហូតមកនៅក្នុងជីវិត
ខាងក្រោមនេះគឺជាគតិបណ្ឌិតទាំង ១០ឃ្លា ដែលអាចឲ្យអ្នកស្វែងរកឃើញចម្លើយដែលអ្នកតែងសួររករហូតមកនៅក្នុងជីវិត៖
- «មនុស្សគ្រប់រូបសុទ្ធតែអាចមើលឃើញរឿងរ៉ាវបានវែងឆ្ងាយតែបែរជាខ្វាក់ទៅនឹងអ្វីដែលនៅចំពោះមុខ។» Sophocles
- «នៅពេលអ្នករត់ដេញតាមការគិតរបស់អ្នក អ្នកប្រៀបបានទៅនឹងឆ្កែមួយក្បាលដែលដេញតាមដំបងដូច្នោះដែរ។ គ្រប់ពេលដែលដំបងត្រូវបានគប់ទៅ អ្នករត់ដេញតាមវា។ ជាជាងបែបនេះ អ្នកគួរតែធ្វើជាសត្វតោ ដែលជាជាងរត់ដេញតាមដំបង ចូរបែរមុខទៅកាន់អ្នកគប់។ បុគ្គលម្នាក់អាចគប់ដំបងទៅសត្វតោបានតែម្ដងប៉ុណ្ណោះ។» Milarepa
- «សាសនារបស់ខ្ញុំគឺមិនបំភ័ន្តខ្លួនឯងនោះឡើយ។» Milarepa
- «អត្ថិភាពនៃពិភពលោកមិនមែនជាបញ្ហាឡើយ គឺជាការដែលជាប់ជំពាក់ទៅនឹងពួកវាដែលបណ្ដាលឲ្យមានទុក្ខវេទនា។» Tilopa
- «ម្រាមដៃចង្អុលទៅកាន់ព្រះចន្ទ ប៉ុន្តែព្រះចន្ទមិនមែននៅលើចុងម្រាមដៃឡើយ។ ពាក្យ ចង្អុលទៅកាន់ការពិត ប៉ុន្តែការពិតមិនមែននៅក្នុងពាក្យឡើយ។» Huineng
- «មុនពេលអ្នកគិតអំពីល្អឬអាក្រក់ តើអ្នកជានរណា ?» Huineng
- «នៅក្នុងចិត្តមិនបរិសុទ្ធរបស់យើង ចិត្តបរិសុទ្ធនឹងត្រូវបានរកឃើញ។» Huineng
- «មិនមែនជារបស់ខាងក្រៅនោះទេដែលចងយើងជាប់។ គឺជាការជាប់ជំពាក់នៅខាងក្នុងដែលចងយើងជាប់។» Tilopa
- «នៅពេលវាជាពេលដែលត្រូវស្លៀកពាក់ ចូរស្លៀកពាក់ខោអាវរបស់អ្នក។ នៅពេលអ្នកត្រូវដើរ ចូរដើរ។ នៅពេលអ្នកត្រូវអង្គុយ ចូរអង្គុយ។ ចូរធ្វើជាមនុស្សសាមញ្ញនៅក្នុងជីវិតដែលសាមញ្ញ មិនខ្វាយខ្វល់ក្នុងការស្វែងរកភាពជាបុគ្គលដែលបានត្រាស់ដឹង។ នៅពេលអ្នកហត់ ចូរសម្រាក។ មនុស្សល្ងង់នឹងសើចដាក់អ្នក តែមនុស្សមានបញ្ញានឹងយល់។» Linji Yixuan
- «គឺជាចិត្តរបស់អ្នកដែលកំពុងតែធ្វើចលនា។» Huineng
អត្ថបទទាក់ទង៖ សម្ដី៩ឃ្លាពីអ្នកគណិតសាស្ត្រPascal សម្រាប់ស្វែងយល់ពីការគិតរបស់បុគ្គលដ៏អស្ចារ្យរូបនេះ
ដោយ៖ ស្រីពៅ
