ប្រយោគដ៏មានតម្លៃចំនួន ៧ឃ្លា ដែលអ្នកគួរប្រើប្រាស់ដើម្បីយកមកសិក្សាពីធម្មជាតិនៃចិត្តរបស់អ្នក
ខាងក្រោមនេះគឺជាប្រយោគដ៏មានតម្លៃចំនួន ៧ឃ្លា ដែលអ្នកគួរប្រើប្រាស់ដើម្បីយកមកសិក្សាពីធម្មជាតិនៃចិត្តរបស់អ្នក:
១) «ជាញឹកញាប់នៅពេលយើងនិយាយអំពីសេរីភាព អ្វីដែលយើងតែងមាននៅក្នុងការគិតគឺជាសេរីភាពដែលលេចបង្ហាញឡើងពីខាងក្រៅ។ នេះអាចជាកំហុសឆ្គងយ៉ាងគ្រោះថ្នាក់បំផុតដែលយើងបានសាងឡើងនៅក្នុងការយល់ដឹងរបស់យើងចំពោះសេរីភាព។ បើយើងគិតថាយើងនឹងសម្រេចបាននូវសេរីភាពនៅពេលដែលយើងអាចអនុវត្តការគ្រប់គ្រងទាំងស្រុងបានទៅលើមជ្ឈដ្ឋានជុំវិញរបស់យើង យើងបានមើលរំលងនូវកត្តាដែលសំខាន់បំផុតដែលបានកំណត់ទៅលើសេរីភាព ដែលនោះគឺជាការគិតរបស់យើង។» Karmapa
២) «គ្រប់យ៉ាងនៅក្នុងជីវិតកើតឡើងដោយសារតែមានហេតុបណ្ដាលនិងលក្ខខណ្ឌជាច្រើនដែលមកព្រមគ្នា។ ភាពអាស្រ័យគ្នាទៅវិញទៅមកបានលាតត្រដាងការជាប់ទាក់ទងដ៏អស្ចារ្យនៃការពិតដ៏សាមញ្ញមួយនេះ។ វាបានបង្ហាញថាគ្រប់យ៉ាងដែលមានអត្ថិភាពគឺជាលក្ខខណ្ឌដែលជះឥទ្ធិពលដល់អ្វីដទៃ និងជាលទ្ធផល ក៏ត្រូវបានអ្វីដទៃជះឥទ្ធិពលដែរនៅក្នុងសំណាញ់ដែលធំធេងនិងស្មុគស្មាញនៃទំនាក់ទំនងរវាងហេតុនិងផលនេះ។ ជាចំណែកមួយនៃសំណាញ់នេះ យើងខ្លួនឯងគឺជាលក្ខខណ្ឌមួយដែលជះឥទ្ធិពលទៅជុំវិញខ្លួនអ្នកដែរ។ នេះមានន័យថាបើយើងផ្លាស់ប្ដូរ នោះអ្នកដទៃក៏ដូច្នោះដែរ។» Karmapa
៣) «ដើមកំណើតនៃរាល់ព្រាយបិសាចទាំងអស់គឺនៅក្នុងចិត្តខ្លួនវា។ នៅពេលសតិដឹងតោងជាប់ហើយអោបក្រសោបវត្ថុណាមួយនៅខាងក្រៅ វានឹងត្រូវបានព្រាយបិសាចចាប់ជាប់។» Machig Labdron
៤) «បើអ្នកចង់ដឹងពីការពិត ចូរកុំមានការយល់ស្របឬការប្រឆាំង។ ការជំទាស់គ្នារវាងល្អនិងអាក្រក់គឺជាជំងឺដ៏មូលដ្ឋាននិងសំខាន់មួយនៃចិត្ត។» Sengcan
៥) «ឈប់និយាយ ឈប់គិត ហើយមិនមានអ្វីដែលអ្នកនឹងមិនយល់នោះឡើយ។ ត្រឡប់ទៅកាន់ឫសហើយអ្នកនឹងយល់ពីអត្ថន័យ។» Sengcan
៦) «បើពីខណៈមួយទៅខណៈមួយ អ្នកអាចធ្វើឲ្យចិត្តរបស់អ្នកជ្រះស្រឡះ នោះមិនមានអ្វីដែលនឹងធ្វើឲ្យអ្នកច្របូកច្របល់បានឡើយ។» Sheng-yen
៧) «ប្រៀបបានទៅនឹងអំពូលភ្លើងមួយដែលបណ្ដេញចេញនូវភាពងងឹតមួយពាន់ឆ្នាំ ហេតុនេះមួយភ្លឹបនៃបញ្ញាក៏អាចកម្ទេចចោលភាពល្ងង់ខ្លៅ១មឺុនឆ្នាំដែរ។» Huineng
ដោយ៖ ស្រីពៅ
អត្ថបទទាក់ទង៖ ទស្សនដ៏មានតម្លៃ៨ឃ្លាពីអ្នកវិទ្យាសាស្ត្រនិងបុគ្គលដែលមានទស្សនអប់រំល្អៗដទៃទៀត
