ទស្សនចំនួន ១០ឃ្លា អំពីធម្មជាតិ ដែលអាចបង្រៀនអ្នកឲ្យគោរពនិងចុះសម្រុងជាមួយវា
ខាងក្រោមនេះគឺជាទស្សនចំនួន ១០ឃ្លា អំពីធម្មជាតិ ដែលអាចបង្រៀនអ្នកឲ្យគោរពនិងចុះសម្រុងជាមួយវា:
១) «ពិភពលោកទាំងមូលគឺជាវិចិត្រសាលសិល្បៈនៅពេលអ្នកបានយកចិត្តទុកដាក់។ របស់ដែលស្រស់ស្អាតមាននៅគ្រប់ទីកន្លែងហើយពួកវាសុទ្ធតែមិនគិតថ្លៃទាំងអស់។» Charles Tart
២) «នៅក្នុងរាល់អ្វីៗនៃធម្មជាតិ មាននូវអ្វីមួយដែលអស្ចារ្យគួរឲ្យស្ញប់ស្ញែង។» អារីស្តូត
៣) «នៅក្នុងធម្មជាតិយើងមិនដែលឃើញអ្វីដែលនៅដាច់ដោយឡែកតែឯងនោះឡើយ ប៉ុន្តែអ្វីៗទាំងអស់មានទំនាក់ទំនងជាមួយអ្វីដទៃទៀតដែលនៅពីមុខវា ក្បែរវា ខាងក្រោមវា និងពីលើវា។» Johann Wolfgang von Goethe
៤) «ជារឿងគួរឲ្យចម្លែកណាស់ដែលធម្មជាតិមិនគោះទ្វារ ហើយក៏មិនឈ្លានពានដែរ។» Emily Dickinson
៥) «អ្នកត្រូវតែបង្រៀនកូនៗរបស់អ្នកថាដីនៅខាងក្រោមបាតជើងរបស់ពួកគេគឺជាកម្ទេចផេះនៃជីតារបស់អ្នក ដូច្នេះពួកគេនឹងគោរពឲ្យតម្លៃទៅលើដី។ ចូរប្រាប់កូនៗរបស់អ្នកថាផែនដីគឺសម្បូរហូរហៀរទៅដោយជីវិតនៃញាតិសន្ដានរបស់យើង។» Chief Seattle
៦) «មនុស្សមិនមែនជាអ្នកត្បាញសំណាញ់នៃជីវិតនេះឡើយ។ គាត់គ្រាន់តែជាសរសៃមួយនៃវាប៉ុណ្ណោះ។ អ្វីក៏ដោយដែលគាត់ធ្វើទៅលើសំណាញ់នេះ គាត់ក៏បានធ្វើទៅលើខ្លួនឯងដែរ។» Chief Seattle
៧) «សម្រាប់ខ្ញុំវាហាក់ដូចជាពួកយើងសម្លឹងមើលធម្មជាតិខ្លាំងពេក ប៉ុន្តែរស់នៅជាមួយគាត់តិចពេក។» Oscar Wilde
៨) «ខ្ញុំជឿទៅលើព្រះ គ្រាន់តែខ្ញុំប្រកបវាថាជាធម្មជាតិប៉ុណ្ណោះ។» Frank Lloyd Wright
៩) «ឫសគល់ដ៏ជ្រៅបំផុតរបស់អ្នកគឺស្ថិតនៅក្នុងធម្មជាតិ។ មិនខ្វល់ថាអ្នកជានរណា រស់នៅទីណា ឬដឹកនាំជីវិតបែបណាក៏ដោយ អ្នកនៅតែមានទំនាក់ទំនងដែលមិនអាចផ្លាស់ប្ដូរបានជាមួយភាវរស់ដទៃទៀត។» Charlie Cook
១០) «បើអ្នកនៅឲ្យស្និទ្ធជាមួយធម្មជាតិ ស្និទ្ធជាមួយភាពសាមញ្ញរបស់វា ស្និទ្ធជាមួយរឿងតូចតាចដែលស្ទើរតែមិនអាចសង្កេតដឹង រឿងទាំងនោះដោយមិនបានរំពឹងទុកនឹងអាចក្លាយជាអស្ចារ្យនិងមិនអាចវាស់ជម្រៅបាន។» Rainer Maria Rilke
ដោយ៖ ស្រីពៅ
អត្ថបទទាក់ទង៖ មេរៀនជីវិតចំនួន១០ ដែលអ្នកមិនអាចខ្វះបាន នៅក្នុងការដើរលើផ្លូវជីវិតរបស់អ្នកមួយនេះ
