ទស្សនចំនួន ៧ឃ្លា ដែលនិយាយពីបញ្ហាដ៏ស៊ីជម្រៅនៅក្នុងជីវិតរបស់យើងម្នាក់ៗ
ខាងក្រោមនេះគឺជាទស្សនចំនួន ៧ឃ្លា ដែលនិយាយពីបញ្ហាដ៏ស៊ីជម្រៅនៅក្នុងជីវិតរបស់យើងម្នាក់ៗ:
១) «មិនបានរៀនសូត្រពីបទពិសោធន៍របស់យើងគឺជាការខ្ជះខ្ជាយពេលវេលាមួយយ៉ាងសម្បើម។ ជីវិតគឺជាសាលាអប់រំរបស់មនុស្សដឹងក្ដី។» Ayya Khema
២) «អ្នកអាចសង្កេតមើលពពកឬដើមឈើឬចលនានៃទឹកស្ទឹងជាមួយនឹងចិត្តដែលស្ងប់ស្ងៀមសមល្មម ក៏ដោយសារតែពួកវាមិនសូវសំខាន់សម្រាប់អ្នក ប៉ុន្តែសម្លឹងមើលខ្លួនឯងគឺពិបាកខ្លាំងជាងឆ្ងាយណាស់ ក៏ដោយសារតែការទាមទារគឺពិតជាជាក់ស្ដែងណាស់ ហើយការប្រតិកម្មឆ្លើយតបក៏រហ័សដែរ។ ហេតុនេះនៅពេលអ្នកផ្សារភ្ជាប់ទំនាក់ទំនងដោយផ្ទាល់ជាមួយភាពភ័យខ្លាចឬសេចក្ដីសោកសៅ ភាពឯកាឬការច្រណែន ឬក៏ជាសភាពអាក្រក់ដទៃទៀតនៃចិត្ត តើអ្នកអាចសម្លឹងមើលវាទាំងស្រុងរហូតទាល់តែចិត្តរបស់អ្នកស្ងប់ស្ងាត់គ្រប់គ្រាន់នឹងមើលឃើញវាដែរទេ ?» Jiddu Krishnamurti
៣) «អ្វីក៏ដោយដែលត្រូវបានទុកចោលមិនដោះស្រាយនៅខាងក្នុងអ្នក នឹងត្រឡប់មករកអ្នកវិញតាមរយៈមនុស្សដទៃ ស្ថានភាពដទៃ និងកាលៈទេសៈដទៃទៀតរហូតទាល់តែវាបានរកឃើញភាពពេញលេញ។ បើអ្នករកឃើញខ្លួនឯងថាបានឆ្លងកាត់បញ្ហាដដែលៗម្ដងហើយម្ដងទៀត ត្រូវដឹងថាមានផ្នែកមួយចំនួននៃវាដែលអ្នកមិនទាន់ត្រូវបានទទួលការព្យាបាលឬត្រូវបានប្រលែងចេញ។ អ្នកនឹងនៅតែបន្តទាញវាចូលមកក្នុងបទពិសោធន៍របស់អ្នករហូតទាល់តែអ្នកបានឆ្លងរំលងវា។» Emily Maroutian
៤) «ប្រលែងចោលនឹងផ្ដល់ឲ្យយើងនូវសេរីភាព ហើយសេរីភាពនេះហើយគឺជាលក្ខខណ្ឌតែមួយគត់សម្រាប់សេចក្ដីសុខ។ បើនៅក្នុងបេះដូងរបស់យើង យើងនៅតែជាប់ជំពាក់ទៅនឹងអ្វីក៏ដោយដូចជា កំហឹង អន្ទះសា ឬការធ្វើជាកម្មសិទ្ធិ នោះយើងនឹងមិនអាចមានសេរីភាពបានឡើយ។» Thich Nhat Hanh
៥) «បុគ្គលជាមួយនឹងសេចក្ដីក្លាហានខាងក្រៅ ហ៊ានស្លាប់។ រីឯបុគ្គលជាមួយនឹងសេចក្ដីក្លាហានខាងក្នុង ហ៊ានរស់នៅ។» ឡៅជឺ
៦) «ដើម្បីទទួលបានចំណេះដឹង បន្ថែមជារៀងរាល់ថ្ងៃ។ ដើម្បីទទួលបានបញ្ញា ដកចេញជារៀងរាល់ថ្ងៃ។» ឡៅជឺ
៧) «ជាជាងផ្ដល់ឲ្យក្ដីស្រឡាញ់នូវចន្លោះទំនេរសម្រាប់ពង្រីកខ្លួន យើងបានហ៊ុមព័ទ្ធវាជាមួយការរំពឹងទុករបស់យើង។ ការរំពឹងទុកធ្វើឲ្យក្ដីស្រឡាញ់របស់យើងត្រូវអាស្រ័យទៅលើលក្ខខណ្ឌថាតើទំនាក់ទំនងនេះបានបំពេញនូវក្ដីប្រាថ្នារបស់យើងឬអត់។ តើអ្នកអាចរំពឹងថាក្ដីស្រឡាញ់នឹងរក្សាគង់វង្សបានយ៉ាងដូចម្ដេចបើអ្នកទាមទារឲ្យវាត្រូវផ្គូផ្គងជាមួយនឹងលក្ខខណ្ឌរបស់អ្នក ហើយអ្នកធ្វើដូចជាអ្នកគឺជាម្ចាស់របស់មនុស្សម្នាក់ទៀតដូច្នោះនោះ ?» 17th Karmapa
ដោយ៖ ស្រីពៅ
អត្ថបទទាក់ទង៖ កម្រងគតិ១០ឃ្លាពីទស្សនវិទូនិងតក្កវិទូអង់គ្លេសលោក Bertrand Russell
