សម្ដីដកស្រង់ចំនួន ១០ឃ្លា ពីទស្សនវិទូមួយរូបរបស់អាល្លឺម៉ង់ លោក Friedrich Nietzsche
ថ្ងៃនេះយើងបានចងក្រងនូវសម្ដីរបស់លោក Friedrich Nietzsche ដែលជាទស្សនវិទូ អ្នកវិភាគវប្បធម៌ អ្នកតែងនិពន្ធចម្រៀង កវីតែងកំណាព្យ និងភាសាវិទូមួយរូបរបស់អាល្លឺម៉ង់ចំនួន ១០ឃ្លា ខាងក្រោមនេះ:
១) «និយាយច្រើនអំពីខ្លួនឯងក៏អាចជាវិធីមួយក្នុងការលាក់បាំងអំពីខ្លួនឯងដែរ។»
២) «គ្មានអ្វីមួយនៅលើផែនដីនេះដែលបំផ្លិចបំផ្លាញមនុស្សច្រើនជាងភាពងប់ងុលទៅនឹងការគុំកួននោះឡើយ។»
៣) «រាល់អ្វីៗទាំងអស់គឺងាយនឹងទទួលរងឥទ្ធិពលពីការបកស្រាយអត្ថន័យ។ ការបកស្រាយបែបណាដែលមានអំណាចនៅក្នុងរយៈពេលជាក់លាក់មួយ គឺជាផលវិបាកនៃអំណាចនិងមិនមែនការពិតនោះឡើយ។»
៤) «អ្នកនយោបាយបែងចែកមនុស្សជាពីរប្រភេទ មួយគឺជាឧបករណ៍ ឯមួយទៀតគឺជាសត្រូវ។»
៥) «ចក្រភពនៃឋានសួគ៌គឺជាលក្ខខណ្ឌនៃបេះដូង មិនមែនជាអ្វីមួយដែលអ្នកជួបប្រទះនៅលើភពផែនដីឬក្រោយពេលស្លាប់នោះឡើយ។»
៦) «អ្នកមានផ្លូវដើររបស់អ្នក។ ខ្ញុំមានផ្លូវដើររបស់ខ្ញុំ។ សម្រាប់ផ្លូវដើរដែលត្រូវ និងជាផ្លូវដើរតែមួយគត់ វាមិនមានអត្ថិភាពនោះឡើយ។»
៧) «មានពេលខ្លះ មនុស្សមិនចង់ស្ដាប់ឮការពិតក៏ដោយសារតែពួកគេមិនចង់ឲ្យការបោកបញ្ឆោតរបស់ពួកគេត្រូវបានកម្ទេចចោល។»
៨) «នៅពេលដែលយើងហត់នឿយ យើងនឹងត្រូវបានវាយលុកដោយទស្សនដែលត្រូវបានយើងយកឈ្នះកាលពីលើកមុន។»
៩) «នៅក្នុងបុគ្គលរៀងៗខ្លួន ភាពឆ្កួតឡប់គឺកម្រណាស់ ប៉ុន្តែនៅក្នុងក្រុម បក្ស ជាតិ និងក្នុងសម័យកាល វាគឺជាច្បាប់។»
១០) «រាល់ការគិតដែលអស្ចារ្យទាំងឡាយត្រូវបានបង្កើតឡើងនៅពេលដើរលើផ្លូវ។»
ដោយ៖ ស្រីពៅ
អត្ថបទទាក់ទង៖ ទស្សនចំនួន១០ឃ្លារបស់លោក Deepak Chopra ដែលជាអ្នកនិពន្ធសញ្ជាតិឥណ្ឌាអាមេរិក
