ប្រយោគ​ចំនួន ​៦ឃ្លា​ ដែល​ពោរពេញ​ដោយ​អត្ថន័យ​ដែល​ចាក់​ទម្លុះ​ចូល​ជ្រៅ​ក្នុង​ការ​ពិត ពី​សៀវភៅ Think on These Things របស់ Jiddu Krishnamurti​



ថ្ងៃនេះ​យើង​បាន​ចងក្រង​នូវ​ប្រយោគ​ចំនួន​ ៦ឃ្លា ​ដែល​ពោរពេញ​ដោយ​អត្ថន័យ​ដែល​ចាក់​ទម្លុះ​ចូល​ជ្រៅ​ក្នុង​ការ​ពិត ពី​សៀវភៅ Think on These Things ដែល​ដំបូង​ឡើយ​ត្រូវ​បាន​លើក​បង្ហាញ​ឡើង​ក្នុង​ទម្រង់​ជា​ការ​សន្ទនា​រវាង Jiddu Krishnamurti និង​ទស្សនិកជន:

) «ប្រាកដ​ណាស់​ថា​ការ​អប់រំ​មិន​មាន​ខ្លឹមសារ​អ្វី​ឡើយ​លុះត្រាតែ​វា​បាន​ជួយ​អ្នក​ឲ្យ​យល់​ពី​បទពិសោធន៍​ដ៏​ធំធេង​នៃ​ជីវិត​ជាមួយ​នឹង​ភាព​ល្អិតល្អន់​ទាំងអស់​របស់​វា ជាមួយ​នឹង​ភាព​ស្រស់​ស្អាត​ដ៏​អស្ចារ្យ​របស់​វា ទុក្ខសោក​និង​ភាព​រីករាយ​របស់​វា។ អ្នក​អាច​នឹង​ទទួល​បាន​សញ្ញាប័ត្រ អ្នក​អាច​នឹង​មាន​ប័ណ្ណសរសើរ​មួយ​ជួរ​ជា​ហូរហែ​ដែល​មាន​ឈ្មោះ​របស់​អ្នក​ហើយ​ទទួល​បាន​ការងារ​ដែល​ល្អ ប៉ុន្តែ​បើ​បែបនេះ​តើ​យ៉ាងម៉េច ? តើ​អ្វី​ទៅ​គឺជា​ខ្លឹមសារ​នៃ​វា​ទាំងអស់​បើ​នៅ​ក្នុង​ដំណើរការ ការ​គិត​របស់​អ្នក​បាន​ក្លាយ​ជា​ស្ពឹក​ស្រពន់ ហត់នឿយ និង​ល្ងង់ខ្លៅ​ទៅ​ហើយ


) «នៅ​ពេល​អ្នក​នៅ​ក្មេង​នៅ​ឡើយ អ្នក​ត្រូវតែ​ចាប់ផ្ដើម​ស្វែងរក​ថា​តើ​អ្វី​ទៅ​ដែល​ជា​របស់​ដ៏​ចម្លែក​មួយ​នេះ​ដែល​ហៅថា «សេចក្ដីសុខ»។ នេះ​គឺជា​ផ្នែក​ដ៏​សំខាន់​មួយ​នៃ​ការ​អប់រំ។»


) «យើង​ទាំងអស់​គ្នា​សុទ្ធតែ​ចង់​ក្លាយ​ជា​មនុស្ស​ដែល​ល្បីល្បាញ។ ខណៈ​ពេល​ដែល​យើង​ចង់​ក្លាយ​ជា​អ្វីមួយ យើង​នឹង​លែង​មាន​សេរីភាព​ទៀត​ហើយ។»


) «មនុស្ស​ចាស់​សាង​កំហុស​គ្រប់​តែ​ពេល ប៉ុន្តែ​ពួកគេ​មិន​ចង់​ឲ្យ​អ្នក​សាង​កំហុស​ឡើយ ដូច្នេះ​ហើយ​ពួកគេ​ក៏​បង្អត់​គំនិត​ផ្ដួចផ្ដើម​របស់​អ្នក។ ហេតុអ្វី ? ព្រោះ​ពួកគេ​ភ័យខ្លាច​ថា​តាមរយៈ​ការ​សង្កេត​និង​ចោទសួរ​អ្វី​គ្រប់យ៉ាង តាមរយៈ​ការ​ពិសោធន៍​និង​សាង​កំហុស អ្នក​នឹង​អាច​ស្វែងរក​អ្វីមួយ​ដោយ​ខ្លួនឯង​ហើយ​ផ្ដាច់​ចេញ​ពី​អំណាច​របស់​ម្ដាយ​ឪពុក សង្គម និង​វប្បធម៌​ប្រពៃណី។ ហេតុនេះ​ហើយ​ទើប​បាន​ជា​ស្តង់ដា​នៃ​ភាព​ជោគជ័យ​ត្រូវ​បាន​លើក​តម្កើង​ឡើង​ដើម្បី​ឲ្យ​អ្នក​ដើរ​តាម ហើយ​ភាព​ជោគជ័យ អ្នក​នឹង​សង្កេត​ឃើញ​ថា តែង​មាន​ទំនាក់ទំនង​ទៅ​នឹង​ភាព​ដែល​គួរឲ្យ​គោរព​ជានិច្ច។»


) «ការ​អប់រំ​ពិតប្រាកដ​គឺជា​ការ​រៀន​ពី​របៀប​ក្នុង​ការ​គិត មិនមែន​អ្វី​ដែល​ត្រូវ​គិត​ឡើយ។ បើ​អ្នក​ដឹង​ពី​របៀប​ក្នុង​ការ​គិត បើ​អ្នក​ពិតជា​មាន​សមត្ថភាព​នេះ​មែន នោះ​អ្នក​នឹង​ក្លាយ​ជា​មនុស្ស​ដែល​មាន​សេរីភាព​ម្នាក់ មាន​សេរីភាព​ពី​ទស្សន​ដែល​ត្រូវ​បាន​គេ​ចាត់​ទុក​ជា​ផ្លូវការ ជំនឿ​ងងឹតងងល់ និង​ទំនៀមទម្លាប់ ហើយ​បែបនេះ​អ្នក​នឹង​អាច​ស្វែងរក​ថា​តើ​អ្វី​ទៅ​ទើប​ជា​សាសនា​ពិត​ប្រាកដ។»


) «សេរីភាព​និង​ក្ដី​ស្រឡាញ់​ទៅ​ជាមួយ​គ្នា។ ក្ដី​ស្រឡាញ់​មិនមែន​ជា​ការ​ប្រតិកម្ម​ឆ្លើយតប​​នោះ​ឡើយ។ បើ​ខ្ញុំ​ស្រឡាញ់​អ្នក​ក៏​ព្រោះតែ​អ្នក​ស្រឡាញ់​ខ្ញុំ នោះ​គ្រាន់តែ​ជា​ការ​ដោះដូរ​ជំនួញ ជា​របស់​ដែល​ត្រូវ​បាន​ទិញ​ពី​ផ្សារ​មក​ប៉ុណ្ណោះ វា​មិនមែន​ជា​ក្ដី​ស្រឡាញ់​ឡើយ។ ស្រឡាញ់​គឺ​មិនមែន​ជា​ការ​សួរ​រក​អ្វី​មក​វិញ​ឡើយ មិនមែន​សូម្បីតែ​មាន​អារម្មណ៍​ថា​អ្នក​បាន​ផ្ដល់ឲ្យ​អ្វីមួយ ហើយ​មាន​តែ​ក្ដី​ស្រឡាញ់​បែប​នេះ​ប៉ុណ្ណោះ​ដែល​អាច​ដឹង​ពី​សេរីភាព​បាន។»


ដោយ៖ ស្រីពៅ

អត្ថបទទាក់ទង៖  ប្រយោគ​ទាំង​១០ឃ្លា​របស់​លោក Jiddu Krishnamurti បុគ្គល​ដ៏​មាន​បញ្ញា​មួយ​រូប​របស់​ឥណ្ឌា​

X
5s