ខាងក្រោម​នេះ​គឺជា​ប្រយោគ​ចំនួន​ ១០ឃ្លា ដែល​ជំរុញ​អ្នក​ឲ្យ​សិក្សា​ពី​ការពិត​ដែល​ស៊ីជម្រៅ​អំពី​ខ្លួនឯង:

១) «កម្លាំង​ខាងក្នុង​របស់​អ្នក​គឺជា​មូលដ្ឋាន​ខាងក្រៅ​របស់​អ្នក។» Allan Rufus

២) «ជីវិត​របស់​អ្នក​ផ្សំ​ផ្គុំ​នូវ​រឿង​៣យ៉ាង​ជា​ចម្បង! អ្វី​ដែល​អ្នក​គិត អ្វី​ដែល​អ្នក​និយាយ និង​អ្វី​ដែល​អ្នក​ធ្វើ! ដូច្នេះ​ហើយ​ចូរ​តែងតែ​មាន​សតិ​ដឹង​ជានិច្ច​នូវ​អ្វី​ដែល​អ្នក​កំពុងតែ​សហការ​បង្កើត​ជាមួយ!» Allan Rufus

៣) «សៀវភៅ​គឺជា​កញ្ចក់។ អ្នក​គ្រាន់តែ​ឃើញ​អ្វី​នៅ​ក្នុង​ពួកវា​ដែល​មាន​ស្រាប់​នៅ​ក្នុង​ខ្លួន​អ្នក​រួច​ហើយ​ប៉ុណ្ណោះ។» Carlos Ruiz Zafon

៤) «មនុស្ស​ច្រើនតែ​ធ្វើឲ្យ​ជីវិត​របស់​ពួកគេ​ស្មុគស្មាញ​ប្រៀប​ដូចជា​ជីវិត​របស់​ពួកគេ​មិន​ទាន់​ស្មុគស្មាញ​គ្រប់គ្រាន់​យ៉ាង​ដូច្នោះ។» Carlos Ruiz Zafon

៥) «គ្រប់យ៉ាង​គឺ​ត្រូវ​បាន​បង្កើត​ឡើង​២ដង ដំបូង​នៅ​ក្នុង​ចិត្ត បន្ទាប់​មក​នៅ​ក្នុង​ការ​ពិត។» Robin Shama

៦) «មាន​ពេល​ខ្លះ​យើង​មាន​អារម្មណ៍​ថា​មាន​សេរីភាព​ក្នុង​ការ​និយាយ​ជាមួយ​មនុស្ស​ចម្លែក​ជាង​និយាយ​ជាមួយ​មនុស្ស​ដែល​យើង​ស្គាល់។ ហេតុអ្វី​បែបនេះ ? ប្រហែល​អាច​មក​ពី​មនុស្ស​ចម្លែក​មើល​ឃើញ​យើង​ទៅ​តាម​សភាព​ពិត​របស់​យើង មិនមែន​ទៅ​តាម​អ្វី​ដែល​គាត់​ប្រាថ្នា​ចង់​ឃើញ​នោះ​ឡើយ។» Carlos Ruiz Zafon

៧) «កុំ​ជាប់​គាំង​នៅ​ក្នុង​ពិភពលោក​ខាងក្រៅ។ ចូរ​ផ្ដោត​ការ​យកចិត្តទុកដាក់​ឲ្យ​ខ្លាំង​ទៅលើ​ពិភពលោក​ខាងក្នុង​របស់​អ្នក។» Allan Rufus

៨) «មិន​យូរ​អ្នក​នឹង​មើល​ឃើញ​ថា​មាន​ពេលខ្លះ​អ្វី​ដែល​សំខាន់​គឺ​មិនមែន​ជា​អ្វី​ដែល​បុគ្គល​ម្នាក់​បាន​ឲ្យ​នោះ​ទេ ប៉ុន្តែ​គឺជា​អ្វី​ដែល​បុគ្គល​ម្នាក់​បាន​បោះបង់។» Carlos Ruiz Zafon

៩) «គ្រប់គ្នា​លើក​សរសើរ​នូវ​អ្វី​ដែល​ពួកគេ​ដឹង។ ព្រះ​របស់​គាត់​គឺជា​ការ​បង្កើត​ឡើង​របស់​គាត់ ហើយ​នៅ​ក្នុង​ការ​ដែល​លើក​សរសើរ​វា គាត់​ក៏​បាន​លើក​សរសើរ​ខ្លួនឯង​ដែរ ដែល​គាត់​នឹង​មិន​ធ្វើ​នោះ​ឡើយ​បើ​គាត់​មិន​លម្អៀង ព្រោះថា​អ្វី​ដែល​គាត់​ស្អប់ខ្ពើម​គឺ​មាន​មូលដ្ឋាន​នៅ​លើ​ភាព​ឆោតល្ងង់​ប៉ុណ្ណោះ។» Ibn Arabi

១០) «ការ​គិត​របស់​ខ្ញុំ​នឹង​រៀបចំ​រចនា​នូវ​ថាមពល​ដែល​រុញច្រាន​ខ្ញុំ។» Allan Rufus

ដោយ៖ ស្រីពៅ

អត្ថបទទាក់ទង៖ សម្ដី​ដកស្រង់​ចំនួន​៩ឃ្លា ដែល​អាច​ធ្វើឲ្យ​អ្នក​សង្កេត​ឃើញ​ផ្នត់គំនិត​របស់​អ្នក​ដែល​ទើប​ជា​បញ្ហា​ពិតប្រាកដ​