សម្ដីដកស្រង់ចំនួន ១២ឃ្លា ដែលនឹងធ្វើឲ្យអ្នកសញ្ជប់សញ្ជឹងគិតស៊ីជម្រៅចូលក្នុងជីវិត
ខាងក្រោមនេះគឺជាសម្ដីដកស្រង់ចំនួន ១២ឃ្លា ដែលនឹងធ្វើឲ្យអ្នកសញ្ជប់សញ្ជឹងគិតស៊ីជម្រៅចូលក្នុងជីវិត:
១) «កំហឹងមានកម្លាំងខ្លាំងក្លា តែមិនមានខួរក្បាល។ សេចក្ដីលោភលន់មានដៃច្រើន តែមិនមានបេះដូង។ សេចក្ដីភ័យខ្លាចមានមុខតំណែងជាច្រើនតែមិនមានកិត្តិយស។ សេចក្ដីស្អប់មានទម្រង់ជាច្រើន តែមិនមានវិញ្ញាណ។» Matshona Dhliwayo
២) «បើអ្នកពាក់របាំងមុខយូរពេក ពេលវេលាមួយនឹងមកដល់ដែលអ្នកមិនអាចដោះវាចេញបានដោយមិនដោះមុខរបស់អ្នកចេញ។» Matshona Dhliwayo
៣) «ទាសករគឺជាមនុស្សដែលលក់វិញ្ញាណរបស់ខ្លួនឯងដើម្បីសង្គ្រោះជីវិត។ បណ្ឌិតគឺជាមនុស្សដែលឲ្យជីវិតរបស់គាត់ដើម្បីសង្គ្រោះវិញ្ញាណរបស់គាត់។» Matshona Dhliwayo
៤) «មានពេលខ្លះអ្វីដែលមើលទៅហាក់ដូចជាត្រូវណាស់ បែរជាខុស ឯអ្វីដែលមើលទៅហាក់ដូចជាខុសណាស់ បែរជាត្រូវទៅវិញ។ តើខ្ញុំហៅបាតុភូតនេះយ៉ាងដូចម្ដេច ? ជីវិត។» Charles F. Glassman
៥) «កាលៈទេសៈដែលនៅជុំវិញកំណើតរបស់អ្នកមិនសំខាន់ដូចទៅនឹងឱកាសក្នុងការរស់នៅជីវិតរបស់អ្នកនោះឡើយ។» Lailah Gifty Akita
៦) «ខ្ញុំគិតថាយើងគួរអានតែសៀវភៅប្រភេទណាដែលធ្វើឲ្យយើងរបួសនិងចាក់យើង។» Franz Kafka
៧) «ខ្ញុំកំពុងតែជាប់ច្រវាក់របស់ខ្ញុំ។ កុំប៉ះច្រវាក់របស់ខ្ញុំ។» Franz Kafka
៨) «មនុស្សភាគច្រើនមិនមែនអាក្រក់ពិសពុលនោះទេ ពួកគេគឺជាមនុស្សដែលដើរមមើ មិនមែនអ្នកសាងអំពើអាក្រក់នោះឡើយ។» Franz Kafka
៩) «ពិភពលោកពោរពេញទៅដោយរបស់ដែលមានវេទមន្ត រង់ចាំយ៉ាងអត់ធ្មត់ឲ្យញាណរបស់យើងមុតស្រួចជាងមុន។» W. B. Yeats
១០) «ជីវិតគឺជាការរៀបចំខ្លួនដ៏យូរមួយសម្រាប់អ្វីដែលមិនកើតឡើង។» W. B. Yeats
១១) «អារម្មណ៍ដែលមិនបានបង្ហាញចេញមកនឹងមិនស្លាប់នោះឡើយ។ ពួកវាត្រូវបានដុតទាំងរស់និងត្រឡប់មកវិញនៅក្នុងរបៀបដែលអាក្រក់ជាងមុន។» Sigmund Freud
១២) «ប្រវត្តិសាស្ត្រគឺជាមនុស្សថ្មីបង្កើតកំហុសចាស់ៗ។» Sigmund Freud
ដោយ៖ ស្រីពៅ
អត្ថបទទាក់ទង៖ គតិដែលមានអត្ថន័យស៊ីជម្រៅចំនួន៩ឃ្លា ដែលអ្នកអាចនឹងមិនធ្លាប់ត្រូវបាននរណាប្រាប់ពីមុនមក
