ថ្ងៃនេះ​យើង​បាន​ប្រមូលផ្ដុំ​នូវ​សម្ដីដកស្រង់​ចំនួន ១០ឃ្លា របស់ Adyashanti ដែល​ជា​គ្រូបង្រៀន​ផ្នែក​ចិត្តវិញ្ញាណ​និង​ជា​ម្ចាស់​សៀវភៅ The End of Your World:

១) «ចុះ​បើសិនជា​ការគិត​ពិតប្រាកដ​មិនមាន​អត្ថិភាព​អ្វី​​នោះ​ឡើយ ?»

២) «ឈប់​ធ្វើ​ជា​មនុស្ស​ដែល​អ្នក​គិតថា​ជា​អ្នក ហើយ​ធ្វើ​ជា​អ្នក។»

៣) «បើ​អ្នក​ចង់​គេច​ចេញ​ពី​ការ​ឃុំឃាំង​នៃ​ពិភពលោក​ខាងក្នុង​របស់​អ្នក អ្នក​ត្រូវតែ​បើកចំហ​ទៅកាន់​អ្វី​ដែល​មិន​ទាន់​ត្រូវ​បាន​ដឹង។»

៤) «អ្វី​ដែល​មាន​អារម្មណ៍​ថា​មិនមាន​តម្លៃ​នៅ​ខាងក្នុង​អ្នក​គឺ​ក្មេងខ្ចី​ហើយ​តូចតាច។ កុំ​ព្យាយាម​កែតម្រូវ​វា។ ជួប​ជាមួយ​អារម្មណ៍​នេះ​នៅ​ក្នុង​ទឹកដី​របស់​វា​ផ្ទាល់។»

៥) «កុំ​គិតថា​អ្នក​ត្រូវ​ដឹកនាំ​ជីវិត​ដែល​ធំធេង​​មួយ។ មានពេល​ខ្លះ​ជីវិត​ដែល​តូចតាច​មួយ​គឺជា​ជីវិត​ដែល​ធំធេង​មួយ។»

៦) «អ្វី​ដែល​អ្នក​ចេះតែ​រុញច្រាន​នឹង​​នៅតែ​កើតឡើង​ម្ដង​ហើយ​ម្ដង​ទៀត ពី​មួយ​ឆ្នាំ​ទៅ​មួយ​ឆ្នាំ។»

៧) «នៅ​ពេល​អ្នក​ទៅ​ខាងក្នុង អ្នក​កំពុងតែ​ចូល​ទៅ​ក្នុង​ភាព​ម្នាក់ឯង​របស់​អ្នក។ គ្មាន​នរណា​ម្នាក់​អាច​ទៅ​ទីនោះ​ជាមួយ​អ្នក​បាន​ឡើយ។»

៨) «អ្វី​ដែល​គួរឲ្យ​អស់​សំណើច​នោះ​គឺ អ្នក​ព្យាយាម​​គ្រប់គ្រង​ជីវិត​និង​អ្នកដទៃ​កាន់តែ​ច្រើន អ្នក​នឹង​កាន់តែ​មាន​អារម្មណ៍​ថា​អ្នក​មិន​អាច​គ្រប់គ្រង​បាន។»

៩) «អត្តា​មិនមែន​ជា​អ្វីមួយ​នោះ​ទេ វា​គ្រាន់តែ​គំរូ​​នៃ​ការ​គិត​ដែល​វិល​ជា​រង្វង់​តែ​ប៉ុណ្ណោះ។»

១០) «តើ​វា​នឹង​ទៅ​ជា​យ៉ាងណា​នៅពេល​អ្នក​ដក​ជើង​ចេញ​ពី​ការ​ប្រឆាំង​ជំទាស់ ?»

ដោយ៖ ស្រីពៅ

អត្ថបទទាក់ទង៖ គតិ​ដ៏​ស៊ីជម្រៅ​ចំនួន​៨ឃ្លា​របស់​លោក Adyashanti ​គ្រូបង្រៀន​ផ្នែក​ចិត្ត​វិញ្ញាណ​មួយ​រូប​របស់​អាមេរិក​