គតិបណ្ឌិតចំនួន ៦ឃ្លា ដែលអាចបំភ្លឺបញ្ញារបស់អ្នកឲ្យស្វែងរកផ្លូវចេញពីសេចក្ដីទុក្ខនៅក្នុងជីវិតបាន
ខាងក្រោមនេះគឺជាគតិបណ្ឌិតចំនួន ៦ឃ្លា ដែលអាចបំភ្លឺបញ្ញារបស់អ្នកឲ្យស្វែងរកផ្លូវចេញពីសេចក្ដីទុក្ខនៅក្នុងជីវិតបាន:
១) «អ្នកគិតថាអ្នកមានសេរីភាព ? មនុស្សគ្រប់គ្នាសុទ្ធតែគិតបែបនេះ។ `ខ្ញុំគឺជាមនុស្សដែលមានសេរីភាព!` តើអ្នកប្រាកដដែរទេ ? អ្នកស្ថិតនៅក្រោមការគ្រប់គ្រងនៃទម្លាប់របស់អ្នក។ ទម្លាប់របស់អ្នកបានបង្កើតនូវរាល់ឧបសគ្គទាំងឡាយរបស់អ្នក។ ទម្លាប់របស់អ្នកបង្កើតនូវខ្នោះដៃសម្រាប់ស្ទាក់អ្នកឲ្យជាប់ក្នុងវាលវដ្តសង្សារ។ តើនរណាដែលនឹងហៅវាថាជាសេរីភាព ?» Gyatrul Rinpoche
២) «បើអ្នករត់មួយពាន់មៃល៍ក្នុងមួយម៉ោងទៅកាន់ទ្វីបម្ខាងទៀតដើម្បីរត់គេចចេញពីឧបសគ្គ យើងនឹងស្វែងរកឃើញបញ្ហាដដែលកំពុងរង់ចាំយើងនៅពេលយើងទៅដល់។ វាគ្រាន់តែត្រឡប់មកវិញជាមួយនឹងឈ្មោះថ្មី ទម្រង់ថ្មី និងការលេចឡើងថ្មីប៉ុណ្ណោះ រហូតទាល់តែយើងបានរៀនពីអ្វីក៏ដោយដែលវាត្រូវបង្រៀនយើងអំពីទីណាដែលយើងបានបំបែកខ្លួនឯងចេញពីការពិត ថាតើយើងដកថយជាជាងបើកចំហយ៉ាងដូចម្ដេច បិទជាជាងបើកចំហខ្លួនឯងដើម្បីឆ្លងកាត់បទពិសោធន៍បានពេញលេញនូវអ្វីក៏ដោយដែលយើងបានជួបប្រទះ ដោយមិនមានការស្ទាក់ស្ទើរឬដកថយទៅកាន់ខ្លួនឯងនោះឡើយ។» Pema Chodron
៣) «បើរឿងតូចតាចមានអំណាចរំខានអ្នក នោះអ្វីដែលអ្នកគិតថាអ្នកគឺជានរណាគឺតូចបែបនោះនោះឯង។» Eckhart Tolle
៤) «នៅពេលដែលយើងកាន់តែមានបញ្ញា យើងចាប់ផ្ដើមដឹងថាកែតម្រូវចរន្តហូរនៃអារម្មណ៍មិនអាចប្រើការបាននោះឡើយ។ អារម្មណ៍គ្រាន់តែជាអារម្មណ៍ ហើយជារៀងរាល់ថ្ងៃមានរាប់ពាន់ខណៈពេលរីករាយ ឈឺចាប់ និងធម្មតា។ ពួកវាគឺជាចរន្តនៃជីវិត។ បញ្ញាគឺជាការដឹងថាអារម្មណ៍អ្វីដែលមានវត្តមានដោយមិនធ្លាក់ចូលទៅក្នុងវា។» Jack Korn Field
៥) «ការជាប់ជំពាក់និយាយថា `ខ្ញុំស្រឡាញ់អ្នកហេតុនេះហើយខ្ញុំចង់ឲ្យអ្នកធ្វើឲ្យខ្ញុំសប្បាយចិត្ត។` ក្ដីស្រឡាញ់ដែលស្មោះស្ម័គ្រពិតប្រាកដនិយាយថា `ខ្ញុំស្រឡាញ់អ្នកហេតុនេះហើយខ្ញុំចង់ឲ្យអ្នកសប្បាយចិត្ត បើវារាប់បញ្ចូលទាំងខ្ញុំគឺអស្ចារ្យហើយ បើវាមិនរាប់បញ្ចូលខ្ញុំទេខ្ញុំគ្រាន់តែចង់បានក្ដីសុខរបស់អ្នកប៉ុណ្ណោះ។» Tenzin Palmo
៦) «ជីវិតរបស់យើងពីចាប់កំណើតរហូតដល់ស្លាប់ស្រដៀងគ្នាទៅនឹងការគេងសុបិនដ៏វែងមួយ ហើយរាល់សុបិនដែលយើងឃើញពេលយប់គឺជាសុបិននៅក្នុងសុបិន។ អ្នកប្រហែលជាធ្លាប់គេងសុបិនពេលយប់បន្ទាប់មកក៏ភ្ញាក់ឡើងហើយប្រាប់នរណាម្នាក់ថាអ្នកឃើញសុបិនមួយយ៉ាងអស្ចារ្យ។ អ្នកឆុងកាហ្វេ អ្នករៀបចំខ្លួនទៅធ្វើការ ហើយភ្លាមនោះនាឡិកាក៏រោទ៍ឡើងហើយអ្នកក៏ភ្ញាក់ឡើង។ អ្នកមិនធ្លាប់ភ្ញាក់ពីមុនមកនោះទេ។ អ្នកគ្រាន់តែធ្លាប់បានសុបិនថាអ្នកភ្ញាក់។ នេះហៅថាការភ្ញាក់សតិដឹងដែលខុស សុបិននៃការភ្ញាក់ឡើង ហើយវាគឺជាអ្វីដែលយើងធ្វើរៀងរាល់ព្រឹកក្នុងជីវិតរបស់យើង។ នៅក្នុងសុបិននៃជីវិត យើងគិតថាយើងភ្ញាក់ ប៉ុន្តែតាមពិតយើងនៅតែសុបិន។ វាគ្រាន់តែនាឡិកាមិនទាន់រោទ៍បន្លឺឡើងតែប៉ុណ្ណោះ។» Chagdud Tulku Rinpoche
ដោយ៖ ស្រីពៅ
អត្ថបទទាក់ទង៖ ទស្សនចំនួន៩ឃ្លារបស់ Alan Watts ដែលជាទស្សនវិទូ អ្នកនិពន្ធនិងជាអ្នកនិយាយមួយរូបរបស់អង់គ្លេស
