គតិបណ្ឌិតចំនួន ៧ឃ្លា ពីព្រះសង្ឃថៃមួយអង្គគឺ Ajahn Chah ដែលអ្នកគួរអាន
ថ្ងៃនេះយើងបានចងក្រងនូវគតិបណ្ឌិតចំនួន ៧ឃ្លា ពីព្រះសង្ឃថៃមួយអង្គគឺ Ajahn Chah ដែលបានរស់នៅក្នុងអំឡុងឆ្នាំ១៩១៨ដល់ឆ្នាំ១៩៩២:
១) «សង្កេតនិងសម្លឹងមើលចិត្តរបស់ខ្លួនឯងគឺពិតជារឿងដែលគួរឲ្យចាប់អារម្មណ៍មួយ។ ចិត្តដែលមិនបានទទួលការហ្វឹកហាត់នឹងរត់ហើយដើរតាមគន្លងទម្លាប់ចាស់របស់វា។ ដោយសារតែវាមិនទទួលបានការហ្វឹកហាត់និងបង្រៀន វាធ្លាក់ចូលទៅក្នុងរឿងនិងបញ្ហាគ្រប់សព្វបែបយ៉ាង។ ហេតុនេះហើយយើងត្រូវតែហ្វឹកហាត់ចិត្តរបស់យើង។ ការហ្វឹកហាត់សមាធិនៅក្នុងព្រះពុទ្ធសាសនាទាំងអស់គឺនិយាយអំពីការហ្វឹកហាត់ចិត្តរបស់ខ្លួនឯងនេះឯង។»
២) «អ្វីៗគឺគ្រាន់តែទៅតាមសភាពពិតរបស់វាប៉ុណ្ណោះ។ ពួកវាមិនបានផ្ដល់ឲ្យយើងនូវសេចក្ដីទុក្ខនោះឡើយ។ តើបន្លាដ៏មុតស្រួចផ្ដល់ឲ្យយើងនូវសេចក្ដីទុក្ខឬ ? ទេ វាគ្រាន់តែជាបន្លាប៉ុណ្ណោះ។ វាមិនបានផ្ដល់សេចក្ដីទុក្ខដល់នរណាម្នាក់នោះឡើយ។ បើយើងជាន់ពីលើវា យើងរងទុក្ខមួយរំពេចនោះ។ ហេតុអ្វីបានជាយើងរងទុក្ខ ? ព្រោះយើងជាន់ពីលើវា។ ដូច្នេះសេចក្ដីទុក្ខកើតចេញមកពីយើង។»
៣) «បើវាមិនគួរកើតឡើង នោះវានឹងមិនកើតឡើងនោះឡើយ។»
៤) «មានមនុស្សដែលកើតមកហើយស្លាប់ទៅវិញនិងមិនធ្លាប់មានម្ដងនោះឡើយដែលបានមានសតិដឹងពីដង្ហើមរបស់ពួកគេដែលចូលនិងចេញក្រៅរាងកាយរបស់ពួកគេ។ នេះគឺជាចម្ងាយដែលពួកគេបានរស់នៅឆ្ងាយពីខ្លួនឯង។»
៥) «ជីវិតគឺមិនទៀងទាត់នោះឡើយ។ ទីណាដែលយើងគិតថាអ្វីៗទៀងទាត់ ភាពមិនទៀងទាត់គឺកំពុងតែពួនសម្ងំពីក្រោយ។ ការមិនមានសតិដឹងគឺជាការប្រកាន់ខ្ជាប់អ្វីៗថាទៀងទាត់។ វាគឺជាការអោបក្រសោបនូវភាពទៀងទាត់នៅទីណាដែលមិនមានភាពទៀងទាត់និងស្វែងរកនូវការពិតនៅក្នុងអ្វីដែលមិនពិត។ ចូរប្រុងប្រយ័ត្ន! ពួកវាអាចនឹងខាំអ្នកនៅថ្ងៃណាមួយក្នុងពេលអនាគត!»
៦) «នៅពេលបេះដូងយល់ពិតប្រាកដ វានឹងប្រលែងចោលអ្វីៗទាំងអស់។»
៧) «អានខ្លួនឯង មិនមែនសៀវភៅនោះទេ។ ការពិតមិនមែននៅខាងក្រៅនោះទេ វាគ្រាន់តែជាការចងចាំប៉ុណ្ណោះ មិនមែនជាបញ្ញានោះឡើយ។ ការចងចាំដោយមិនមានបញ្ញាប្រៀបបានទៅនឹងដបបំពង់ទឹកក្ដៅដែលទទេដូច្នោះ បើអ្នកមិនបំពេញវាទេ វានឹងមិនមានប្រយោជន៍ឡើយ។»
ដោយ៖ ស្រីពៅ
អត្ថបទទាក់ទង៖ ប្រយោគចំនួន៩ឃ្លា ដែលអាចឲ្យអ្នកចាប់ផ្ដើមងាកមកខាងក្នុងដើម្បីស្វែងរកដំណោះស្រាយបញ្ហា
