ទស្សនចំនួន ៨ឃ្លា ដែលអាចដាស់ការសង្កេតសួរខ្លួនឯងនៅខាងក្នុងអ្នក
ខាងក្រោមនេះគឺជាទស្សនចំនួន ៨ឃ្លា ដែលអាចដាស់ការសង្កេតសួរខ្លួនឯងនៅខាងក្នុងអ្នក:
១) «មនុស្សអាចយល់បានតែពេលដែលគាត់ដោះស្រាយបញ្ហាដោយខ្លួនឯងប៉ុណ្ណោះ។» Peter Deunov
២) «ភាពភ័យខ្លាចគឺជាថាមពលដែលបំផ្លិចបំផ្លាញអ្វីមួយនៅក្នុងខ្លួនមនុស្ស។ វាធ្វើឲ្យចិត្តស្វិតស្រពោន វាធ្វើឲ្យការគិតវៀចវេរខុសពីការពិត វានាំទៅរកទ្រឹស្ដីដែលវៃឆ្លាតនិងល្អិតល្អន់យ៉ាងអស្ចារ្យ ជំនឿដែលមិនសមហេតុផល ជំនឿសាសនាជាប្រព័ន្ធ និងជំនឿគ្រប់សព្វបែបយ៉ាងទាំងអស់។» J. Krishnamurti
៣) «បើអ្នកនិយាយថារកលុយគឺជារឿងដែលសំខាន់ជាងគេបំផុត អ្នកនឹងចំណាយពេលជីវិតរបស់អ្នកខ្ជះខ្ជាយពេលវេលាទាំងស្រុង។ អ្នកនឹងធ្វើរឿងដែលអ្នកមិនចូលចិត្តដើម្បីបន្តមានជីវិតរស់នៅ ដែលនេះមានន័យថាបន្តធ្វើនូវរឿងដែលអ្នកមិនចូលចិត្តធ្វើ ដែលជារឿងឆ្កួតឡប់។» Alan Watts
៤) «អ្នកធំដូចទៅនឹងអ្វីដែលអ្នកស្រឡាញ់ និងតូចដូចទៅនឹងអ្វីដែលអ្នកអនុញ្ញាតឲ្យអ្នកទាស់ចិត្ត។» Robert Anton Wilson
៥) «មនុស្សភាគច្រើនរស់នៅក្នុងជំនឿបែបទេវកថា និងប្រែទៅជាខឹងយ៉ាងខ្លាំងក្លាបើមាននរណាម្នាក់ហ៊ានប្រាប់ពួកគេពីការពិតអំពីពួកគេ។» Robert Anton Wilson
៦) «គ្រប់ពេលដែលអ្នកសម្លឹងមើលទៅកាន់ក្រូចឃ្វិចមួយ អ្នកអាចមើលឃើញស៊ីជម្រៅទៅក្នុងវា។ អ្នកអាចមើលឃើញគ្រប់យ៉ាងនៅក្នុងចក្រវាលនៅក្នុងក្រូចឃ្វិចមួយ។ នៅពេលអ្នកបកសម្បកវានិងហិតក្លិនវា វាពិតជាអស្ចារ្យណាស់។ អ្នកអាចចំណាយពេលញាំុក្រូចឃ្វិចមួយនិងមានអារម្មណ៍សប្បាយចិត្តបាន។» Thich Nhat Hanh
៧) «នៅពេលមនុស្សម្នាក់ទៀតធ្វើឲ្យអ្នករងទុក្ខ នេះក៏ព្រោះតែគាត់រងទុក្ខយ៉ាងជ្រៅនៅខាងក្នុងខ្លួនគាត់ ហើយសេចក្ដីទុក្ខរបស់គាត់គឺកំពុងតែបានកំពប់។ គាត់មិនត្រូវការការដាក់ទោសនោះទេ គាត់ត្រូវការជំនួយ។ នេះគឺជាសារដែលគាត់កំពុងតែផ្ញើ។» Thich Nhat Hanh
៨) «ក្បាលរបស់អ្នកគឺដូចជារបស់ខ្ញុំដែរ មនុស្សគ្រប់គ្នាសុទ្ធតែដូចគ្នាទាំងអស់គ្នា ធំល្មមនឹងអាចផ្ទុកបាននូវព្រះនិងព្រាយបិសាចទាំងអស់ដែលធ្លាប់មាន។ ធំល្មមនឹងអាចផ្ទុកបាននូវទម្ងន់របស់មហាសមុទ្រនិងដួងតារាដែលកំពុងតែធ្វើចលនា។ ចក្រវាលទាំងមូលដាក់ទៅក្នុងនោះចូល! ប៉ុន្តែតើយើងបានជ្រើសរើសអ្វីទៅដើម្បីរក្សាទុកនៅក្នុងប្រអប់ដែលមានវេទមន្តអស្ចារ្យនេះ ? រឿងរ៉ាវបែកបាក់តូចតាច រឿងរ៉ាវសោកសៅតូចតាច ដែលយើងលេងជាមួយម្ដងហើយម្ដងទៀត។ ពិភពលោករង់ចាំឲ្យយើងបើកសោ ហើយយើងលេងសូរតន្ត្រីតូចតាចម្ដងហើយម្ដងទៀត ហើយយើងគិតថាយើងគឺគ្រាន់តែជាសូរតន្ត្រីនោះតែប៉ុណ្ណឹងឯង។» Grant Morrison
ដោយ៖ ស្រីពៅ
អត្ថបទទាក់ទង៖ គតិបណ្ឌិតចំនួន៨ឃ្លា ដែលអាចឲ្យអ្នករកឃើញវិធីត្រឹមត្រូវក្នុងការដោះស្រាយបញ្ហាជីវិតបាន
