គតិចំនួន ៩ឃ្លា របស់បុគ្គលដ៏សំខាន់មួយរូបក្នុងសម័យសតវត្សទី១៨របស់អង់គ្លេស លោក William Blake
ថ្ងៃនេះយើងបានចងក្រងនូវគតិចំនួន ៩ឃ្លា របស់បុគ្គលដ៏សំខាន់មួយរូបក្នុងសម័យសតវត្សទី១៨របស់អង់គ្លេស លោក William Blake ដែលជាកវីកំណាព្យ អ្នកគូរគំនូរ និងជាអ្នកដែលបង្កើតស្នាដៃសិល្បៈដោយការព្រីន (printmaker):
១) «ពួកយើងមិនមែនត្រូវដោះស្រាយរាល់ការចម្រូងចម្រាស (contradictions) ទាំងអស់នោះឡើយ ប៉ុន្តែត្រូវរស់នៅជាមួយពួកវាហើយឡើងរំលងផុតហួសពីពួកវា។»
២) «នៅក្នុងចក្រវាល មាននូវអ្វីៗដែលត្រូវបានដឹង និងអ្វីៗដែលមិនទាន់ត្រូវបានដឹង ហើយនៅចន្លោះ គឺជាទ្វារ។»
៣) «មើលពិភពលោកនៅក្នុងដីខ្សាច់មួយគ្រាប់និងឋានសួគ៌នៅក្នុងផ្កាព្រៃ ចាប់កាន់ភាពគ្មានទីបំផុតនៅក្នុងបាតដៃរបស់អ្នក និងអនន្តភាពនៅក្នុងពេលមួយម៉ោង។»
៤) «បើទ្វារនៃការមើលឃើញដោយញាណត្រូវបានសម្អាត គ្រប់យ៉ាងនឹងស្ដែងចេញទៅកាន់មនុស្សទៅតាមសភាពពិតរបស់វា នោះគឺគ្មានទីបំផុត។»
៥) «នៅក្នុងទ្រូងរបស់អ្នក អ្នកមានឋានសួគ៌និងផែនដីរបស់អ្នក ហើយរាល់អ្វីដែលអ្នកមើលឃើញ បើទោះជាវាស្ដែងចេញមកហាក់ដូចជានៅខាងក្រៅក៏ដោយ តែវាគឺនៅខាងក្នុង នៅក្នុងការស្រមើស្រមៃរបស់អ្នក ដែលពិភពលោកនៃបុថុជ្ជននេះគ្រាន់តែជាស្រមោលប៉ុណ្ណោះ។»
៦) «យើងបែបណា យើងឃើញបែបនោះ។»
៧) «រីករាយនឹងអត្ថិភាពរបស់អ្នក។»
៨) «ខ្ញុំមើលឃើញធ្លុះភ្នែករបស់ខ្ញុំ មិនមែនជាមួយពួកវានោះឡើយ។»
៩) «ការភ្ញាក់ខ្លួនមានន័យថាទទួលខុសត្រូវទាំងស្រុងទៅលើជីវិតរបស់អ្នក។»
ដោយ៖ ស្រីពៅ
អត្ថបទទាក់ទង៖ សុភាសិតចំនួន១៣ឃ្លា ដែលឆ្លុះបញ្ចាំងឲ្យឃើញពីគតិបណ្ឌិតរបស់បុរាណចិន
