សម្ដី​ដកស្រង់​ចំនួន ​៦ឃ្លា​ ពី​អ្នក​និពន្ធ​​របស់​សៀវភៅ​ The Teachings of Don Juan លោក Carlos Castaneda​



ថ្ងៃនេះ​យើង​បាន​ចងក្រង​នូវ​សម្ដី​ដកស្រង់​ចំនួន ​៦ឃ្លា​ ពី​អ្នក​និពន្ធ​សញ្ជាតិ​អាមេរិក​ដែល​បាន​សរសេរ​សៀវភៅ​ដ៏​ល្បី​ឈ្មោះ​មួយ​គឺ The Teachings of Don Juan លោក Carlos Castaneda:

 

១) «យើង​មិន​ត្រូវការ​ច្រើន​ជាងនេះ​ដើម្បី​មាន​អំណរគុណ​នោះ​ទេ យើង​គ្រាន់តែ​ត្រូវ​មាន​ការ​អំណរគុណ​ច្រើន​ជាងនេះ​ប៉ុណ្ណោះ។»

 

២) «នៅ​ពេល​មនុស្ស​ម្នាក់​មិន​មាន​អ្វី​ដែល​ត្រូវ​បាត់បង់ គាត់​ក្លាយ​ជា​មាន​ភាព​ក្លាហាន។ យើង​កំសាក​តែ​ពេល​ដែល​មាន​អ្វីមួយ​ដែល​យើង​ជាប់ជំពាក់​ប៉ុណ្ណោះ។»

 

៣) «ការ​រំពឹងទុក​ធម្មតា​របស់​យើង​អំពី​ការ​ពិត​ត្រូវ​បាន​បង្កើត​ឡើង​ដោយ​ការ​​ព្រមព្រៀង​គ្នា​ជា​សង្គម។ យើង​ត្រូវ​បាន​បង្រៀន​ពី​របៀប​ក្នុង​ការ​មើល​និង​យល់​ពី​ពិភពលោក។ ល្បិចកល​នៃ​ការ​កកើត​ឡើង​របស់​សង្គម​គឺ​ដើម្បី​ធ្វើឲ្យ​យើង​ជឿ​ថា​ ការ​ពិពណ៌នា​ដែល​យើង​បាន​យល់ព្រម​គ្នា​នោះ​បញ្ជាក់​ពី​ដែន​កំណត់​របស់​ពិភព លោក​ពិតប្រាកដ។ អ្វី​ដែល​យើង​ហៅថា​ការ​ពិត​គ្រាន់តែ​ជា​របៀប​មួយ​ក្នុង​ការ​មើល​ឃើញ​ពិភពលោក របៀប​មួយ​ដែល​ត្រូវ​បាន​គាំទ្រ​ដោយ​ការ​ព្រមព្រៀង​គ្នា​ជា​សង្គម​ប៉ុណ្ណោះ។»

 

៤) «ពិភពលោក​គឺ​បែបនេះ​ឬ​បែបនោះ​ក៏​ព្រោះតែ​យើង​ប្រាប់​ខ្លួនឯង​ថា​វា​គឺជា​សភាព​បែបនេះ​បែបនោះ។»

 

៥) «ខ្ញុំ​មិន​ធ្លាប់​ខឹង​នរណា​ម្នាក់​នោះ​ឡើយ។ មិន​មាន​មនុស្ស​ណា​ម្នាក់​អាច​ធ្វើ​អ្វីមួយ​ដែល​សំខាន់​គ្រប់គ្រាន់​សម្រាប់​ឲ្យ​ខឹង​នោះ​ឡើយ។ អ្នក​ខឹង​នរណា​ម្នាក់​នៅ​ពេល​ដែល​អ្នក​មាន​អារម្មណ៍​ថា​ទង្វើ​របស់​ពួកគេ​គឺ​សំខាន់។ ខ្ញុំ​លែង​មាន​អារម្មណ៍​បែបនោះ​តទៅទៀត​ហើយ។»

 

៦) «ការ​ដែល​មាន​អារម្មណ៍​ថា​សំខាន់​ធ្វើឲ្យ​មនុស្ស​ម្នាក់​ធ្ងន់​ខ្លួន ឆ្គាំឆ្គង និង​ក្រអឺតក្រទម។ ដើម្បី​ក្លាយ​ជា​អ្នក​ប្រយុទ្ធ មនុស្ស​ម្នាក់​ត្រូវតែ​ស្រាល​ខ្លួន និង​មាន​ភាព​បត់បែន​ដូចជា​ទឹក។»

ដោយ៖ ស្រីពៅ

អត្ថបទទាក់ទង៖ សម្ដី​ដកស្រង់​ចំនួន​១២​ឃ្លា ដែល​នឹង​ធ្វើឲ្យ​អ្នក​សញ្ជប់សញ្ជឹង​គិត​ស៊ីជម្រៅ​ចូល​ក្នុង​ជីវិត​

X
5s