ខាងក្រោម​នេះ​គឺជា​សម្ដី​ដកស្រង់​ចំនួន​ ៨ឃ្លា ដែល​បង្ហើប​ពី​ការ​ពិត​មួយ​ចំនួន​នៅ​ក្នុង​អត្ថិភាព​របស់​យើង​នេះ:

១) «ខ្ញុំ​មាន​អត្ថិភាព​ជា​ខ្ញុំ ហើយ​វា​គឺ​គ្រប់គ្រាន់​ហើយ។» Walt Whitman

២) «បន្ទាប់​ពី​អ្នក​បាន​ប្រើប្រាស់​អស់​នូវ​អ្វី​ដែល​មាន​នៅ​ក្នុង​អាជីវកម្ម នយោបាយ ភាព​អ៊ូអរ​សប្បាយ​រីករាយ​ជាដើម បាន​រក​ឃើញ​ថា​មិន​មាន​ណាមួយ​ដែល​ចុងក្រោយ​ធ្វើឲ្យ​អ្នក​ស្កប់ស្កល់ ឬ​នៅ​ឋិតថេរ​ជា​អចិន្ត្រៃយ៍​នោះ​ឡើយ តើ​មាន​អ្វី​ដែល​នៅ​សេសសល់ ? តែ​ធម្មជាតិ​នៅ​សេសសល់។» Walt Whitman

៣) «ផ្លូវ​ដែល​ល្អ​បំផុត​សម្រាប់​ចេញ​ក្រៅ​គឺ​ឆ្លង​កាត់​តាមអ្វី​ដែលជា​ឧបសគ្គ។» Robert Frost

៤) «កំណាព្យ​គឺជា​អ្វី​ដែល​ត្រូវ​បាន​បាត់បង់​នៅ​ក្នុង​ការ​បកប្រែ។ វា​ក៏​ជា​អ្វី​ដែល​ត្រូវ​បាន​បាត់បង់​នៅ​ក្នុង​ការ​សម្រាយ​អត្ថន័យ​ផង​ដែរ។» Robert Frost

៥) «ខ្ញុំ​មិន​គិត​ថា​មាន​ការ​ពិត​អ្វី​នោះ​ទេ។ វា​មាន​តែ​ការ​យល់ឃើញ​ប៉ុណ្ណោះ។» Allen Ginsberg

៦) «ភាព​ប្រក្រតី​គឺជា​ល្បិចកល​នៃ​ការ​ព្រមព្រៀង​គ្នា។» Allen Ginsberg

៧) «បាន​ព្យាយាម​និង​បរាជ័យ​ប្រសើរ​ជាង​រស់នៅ​ជីវិត​ដោយ​នឹក​គិត​ឆ្ងល់​​ថា​នឹង​អាច​មាន​អ្វី​កើតឡើង​បើ​ខ្ញុំ​បាន​ព្យាយាម។» Alfred Lord Tennyson

៨) «ពួកយើង​ទាំងអស់​គ្នា​គឺជា​ចំណែក​មួយ​នៃ​គ្រប់​មនុស្ស​ទាំងអស់​ដែល​យើង​បាន​ជួប។» Alfred Lord Tennyson

ដោយ៖ ស្រីពៅ

អត្ថបទទាក់ទង៖ គតិ​ចំនួន​៩ឃ្លា​ពី Dzogchen Ponlop Rinpoche ដែល​ជា​គ្រូបង្រៀន​ព្រះពុទ្ធសាសនា​ទីបេនិង​ជា​អ្នក​និពន្ធ​សៀវភៅ Emotional Rescue​