គតិបណ្ឌិតចំនួន ៧ឃ្លា របស់ Kodo Sawaki គ្រូ Soto Zen មួយរូបរបស់ជប៉ុននាសតវត្សទី២០
ថ្ងៃនេះយើងបានចងក្រងនូវគតិបណ្ឌិតចំនួន ៧ឃ្លា របស់ Kodo Sawaki ដែលជាគ្រូ Soto Zen ដែលជាផ្នែកមួយនៃសាលាព្រះពុទ្ធសាសនារបស់ជប៉ុននាសតវត្សទី២០:
១) «សំណួរមិនមែនស្ថិតនៅត្រង់ថាតើនរណាត្រូវនោះទេ។ អ្នកគ្រាន់តែសម្លឹងមើលអ្វីៗចេញពីជ្រុងផ្សេងគ្នាប៉ុណ្ណោះ។»
២) «អ្នកតែងតែតោងអ្នកដទៃស្អិតជាប់មិនប្រលែង។ នរណាម្នាក់កំពុងញាំុដំឡូងបំពង អ្នកក៏ចង់បានដំឡូងបំពងដែរ។ បើនរណាម្នាក់បៀមស្ករគ្រាប់ អ្នកក៏ចង់បានស្ករគ្រាប់ដែរ។ បើនរណាម្នាក់ផ្លុំខ្លុយ អ្នកក៏ស្រែកថា «ម៉ាក់ ទិញខ្លុយឲ្យខ្ញុំដែរមក។» ហើយវាក៏មិនមែនកើតឡើងត្រឹមតែសម្រាប់កូនក្មេងនោះដែរ។»
៣) «ក្ដីសុខនិងក្ដីទុក្ខរបស់មនុស្សមិនមែនអាស្រ័យនៅលើលុយតែម្យ៉ាងឡើយ។ បើលុយនៅក្នុងកុងធនាគាររបស់អ្នកគឺជារង្វាស់នៃក្ដីសុខរបស់អ្នក វានឹងក្លាយជាបញ្ហាដ៏សាមញ្ញមួយហើយ។ យ៉ាងណាមិញ វាមិនមែនបែបនេះនោះឡើយ។»
៤) «បទពិសោធន៍របស់ញាណដែលក្លែងបន្លំមានន័យថាជាការដែលមិននឹងន។ បទពិសោធន៍របស់ញាណដែលក្លែងបន្លំមានន័យថាត្រូវបានគ្រប់គ្រងដោយស្ថានការណ៍។»
៥) «វាជារឿងសំខាន់ក្នុងការមើលឃើញថាមិនមែនជាជីវិតនោះឡើយដែលធ្វើឲ្យមានសេចក្ដីទុក្ខ ប៉ុន្តែគឺជាការរំពឹងទុករបស់យើងទៅលើថាជីវិតគួរតែទៅតាមរបៀបដែលយើងចង់បាននោះទៅវិញទេ។»
៦) «សំណាងល្អនិងអាក្រក់តែងតែជាការព្រួយបារម្ភដ៏ចម្បងរបស់យើង។ ប៉ុន្តែនៅក្នុងការពិត តើសំណាងល្អនិងអាក្រក់ពិតជាមានដែរឬទេ ? វាមិនមាននោះឡើយ។ វាមានតែការគណនាដែលបានប្រើប្រាស់ការរំពឹងទុករបស់យើងធ្វើជាខ្នាតរង្វាស់ប្រវែងប៉ុណ្ណោះ។ ពិតណាស់នេះក៏ព្រោះតែយើងរំពឹងទុកចង់ធ្វើអ្វីៗដែលផ្ដល់ការចំណេញសម្រាប់ខ្លួនឯង ហើយយើងនឹងស្ដាយនៅពេលវាមិនចំណេញ។ មានការរំពឹងទុកគឺជារឿងធម្មតាសម្រាប់មនុស្សនោះទេ ប៉ុន្តែការជាប់ជំពាក់នឹងវានឹងបង្កឲ្យមានសេចក្ដីទុក្ខ។»
៧) «ញាំុបាយមិនមែនជាការរៀបចំត្រៀមទុកសម្រាប់ការបញ្ចេញចោលនោះទេ។ ការបញ្ចេញចោលមិនមែនជាការរៀបចំត្រៀមទុកសម្រាប់ការធ្វើជីនោះទេ។ ប៉ុន្តែផ្ទុយទៅវិញ មនុស្សឥឡូវនេះគិតថាវិទ្យាល័យគឺជាការរៀបចំត្រៀមទុកសម្រាប់សាកលវិទ្យាល័យ ឯសាកលវិទ្យាល័យគឺជាការរៀបចំត្រៀមទុកសម្រាប់ការងារល្អ។»
ដោយ៖ ស្រីពៅ
អត្ថបទទាក់ទង៖ សុភាសិតជប៉ុន១៣ឃ្លា ដែលអាចឲ្យអ្នកមើលឃើញចូលទៅកាន់ស្រទាប់មួយទៀតពីការពិតនៃជីវិតនេះ
